"Nazarbaevtyń klany urlaǵan 200 mlrd dollardy qaıtaratyn bolsa, qaıtqan qarajatty jınaqtap, qor quryp, pátersiz júrgen azamattarǵa páter berý kerek. Urylardyń qaıtqan aqshasynan memleket halyqqa páter taratatyn bolsa, ol bizdiń ultymyzǵa úlken kómek". Bul pikirdi belgili saıasatker, qoǵam qaıratkeri Baltash Tursymbaı Adyrna.kz ulttyq portalynyń tilshisine bergen suhbatynda aıtty.
"Nazarbaevtyń klany - urylar! Urlaǵan aqshasyn qaıtaryp jatyr degen aqparat bar. Iá, eger osy 200-deı Nazarbaevtyń klany urlaǵan 200 mlrd dollardy qaıtaratyn bolsa, ol elimiz jumys istemese 3 jyldyq bıýdjet. Meniń el prezıdenti Qasym-Jomart Toqaevqa usynysym bar. Siz osy qaıtyp kelip jatqan urylardyń aqshasyna qor quryp, Qańtarda zardap shekken, oqqa ushqan azamattardyń otbasyna páter berý kerek! Olardyń balalary bar! Olardyń keleshegi bar! Sol keleshekte erteń ózimizdiń elimizdiń durys azamattary bolýy úshin zardap shekken otbasylarǵa páter berý kerek! Olarda qazir páter joq, ár túrli jaǵdaımenen ár bosaǵada páter jaldap, kún kórip jatyr...Ekinshi top - ol mynaý kópbalaly otbasy. Eger kópbalaly otbasylarǵa búgin sol urylardyń qaıtqan aqshasynan memleket páter beretin bolsa, ol erteń 10-15 jyldan keıin memleketimizge páleń mlrd bolyp qaıtarylar edi", - deıdi qoǵam qaıratkeri.
Saıasatkerdiń aıtýynsha, eldiń qazynasyna qaıtqan qarajatty jınaqtap, qor quryp, pátersiz júrgen azamattarǵa páter berý kerek.
"Búgingi kúni alyp qaraıtyn bolsaq, taǵy da myna banktyń mańaıynda júrgen ury-qarylar ana jerden kredıt alyp, páter salyp júr. Kópetajdy páterlerdi salady, sodan keıin ony qymbat baǵamenen satady. Túsken aqshasyn banktermen bólisip jatyr. Bizdiń halyq eshqashan umytqan joq. Umytpaıdy da... Nazarbaevtyń klany Ulttyq qordan 14-15 mlrd dollar qarjyny alyp, ózderiniń bankterine quıǵan. Ol mynaý Halyq bank bar, Ótemuratovtyń bankteri bar, Jaqsybekovtiń bankteri bar... Búgin Nazarbaevtyń qaramaǵyna aýysqan... Soǵan urlaǵan aqshalardyń barlyǵyn qaıtarsyn! Halqymyzǵa páter uıymdastyrý kerek. Al endi men tek Almatyda ǵana dep aıtyp jatqanym joq. Bizde qazir 20 oblystyq ortalyq bar. Sol 20 oblystyq ortalyqta salynyp jatqan páterlerdiń qarjysyn tólep, tez arada satyp alyp, halyqqa taratatyn bolsa, ol bizdiń ultymyzǵa úlken kómek! Sondyqtan meniń izgi tilegim, el prezıdentine, halqymyzǵa osy...", - dep túıindedi sózin Baltash Tursymbaı.
Zarına ÁShIRBEK,
"Adyrna" ulttyq portaly
