"ۇندەمەسەك باسىنا بەرەدى": داۋلەت مۇقاەۆ Air Astana مەن FlyArystan اۋە كومپانيالارى ۇستىنەن تەكسەرىس جۇرگىزىلەتىنىن مالىمدەدى

7740
Adyrna.kz Telegram

تانىمال ەكونوميست، بلوگەر داۋلەت مۇقاەۆ "Air Astana مەن FlyArystan كومپانيالارىنا رەيسىنىڭ كەشىگۋ فاكتىسى بويىنشا جاپپاي تۇسكەن شاعىمداردان كەيىن ازاماتتىق اۆياتسيا كوميتەتى مەن قازاقستاننىڭ اۆياتسيالىق اكىمشىلىگى تەكسەرۋ جۇرگىزەتىن بولدى" دەپ حابارلادى. بۇل تۋرالى ول ءوزىنىڭ Instagram  پاراقشاسىندا جازدى. 

"Air Astana مەن FlyArystan كومپانيالارىنا رەيسىنىڭ كەشىگۋ فاكتىسى بويىنشا جاپپاي تۇسكەن شاعىمداردان كەيىن ازاماتتىق اۆياتسيا كوميتەتى مەن قازاقستاننىڭ اۆياتسيالىق اكىمشىلىگى تەكسەرۋ جۇرگىزەتىن بولدى. وسىعان دەيىن بۇل ەكى اۋە كومپانياسىنىڭ ۇستىنەن رەيستەردى كەشىكتىرۋى، ۇشاق ىشىندەگى ورىنداردان ارتىق بيلەتتەردى ساتۋى، جانە كەشىكتىرىلگەن نەمەسە كەيىنگە قالدىرىلعان رەيستەر ءۇشىن بيلەت قۇنىن كەرى قايتارماۋى تۋرالى بىرنەشە شاعىمدار تۇسكەن. وقىرمانداردان كۇن سايىن حاتتار كوپ كەلەدى. كەشىگۋلەر وتە كوپ. ءتىپتى رەيستەردى دە جوق قىلا سالادى دا، جاڭا رەيس اشىپ، بيلەتتەردى قىمباتقا ساتۋدا. فلايارىستان ارزان لوۋكوستەر دەپ ەدى، قايدام، باعالارى 3-4 ەسەگە دەيىن ءوسىپ كەتكەن. ءارى 5 كەلى جۇكتەن اسسا، تاعى اقشا... ىشىندە سۋ-پۋدىڭ ءوزىن 2-3 ەسە قىمباتقا ساتادى. وتكەندە ءار كەشىككەن ساعاتىنا 3% اقشا قايتارۋدى ايتقان ەدىم. ەندى قوسىمشا اقپارات: رەيس 2 ساعاتقا كەشىككەن جاعدايدا سالقىن سۋسىن، 4 ساعات كۇتكەن كەزدە ىستىق تاماق جانە تۇنگى ۋاقىتتا ىستىق تاماق تەگىن بەرىلۋى قاجەت. سونداي-اق كۇندىز 8 ساعاتتان اسا جانە تۇندە 6 ساعاتتان ارتىق كۇتكەن جاعدايدا قوناقۇي، كولىك تاسىمالى قامتاماسىز ەتىلۋى ءتيىس. سىزدە ۇشاق (رەيس) كەشىككەن جاعدايلار بولدى ما؟ اۋە كومپانياسى ءتيىستى كومەك كورسەتتى مە؟ كومپانيالاردى پىكىرگە بەلگىلەپ كەتەيىك. ءوز قۇقىعىمىزدى بىلە جۇرەيىك. ءارى سونىڭ دۇرىس ورىندالۋىن تالاپ ەتەيىك. ءبارى وزىمىزگە بايلانىستى. ۇندەمەسەك باسىنا بەرەدى", - دەپ جازدى بلوگەر ءوزىنىڭ ينستاگرام پاراقشاسىندا. 

"ادىرنا" ۇلتتىق پورتالى 

پىكىرلەر