"مادەنيەتسىز مادەنيەت ءمينيسترى": اباەۆ وتستاۆكاسىنا پەتيتسيا جاريالاندى

3387
Adyrna.kz Telegram

مادەنيەت جانە سپورت ءمينيسترى داۋرەن اباەۆتىڭ وتستاۆكاعا كەتۋىن تالاپ ەتكەن جانە «بازز لايتەر» ءمۋلتفيلمى تۋرالى پەتيتسيا جاريالاندى، دەپ حابارلايدى "ادىرنا" پورتالى دەرەككوزگە سىلتەپ.

ءبىر ساعات ىشىندە وتىنىشكە جۇزدەن استام ادام قول قويدى، قازاقستاندىقتاردىڭ باسىم بولىگى پەتيتسيا اۆتورىن قولدادى. پەتيتسياعا قول قويعاندار ءمۋلتفيلمدى قازاقستاندىق پروكاتقا قايتارۋدى جانە مادەنيەت جانە سپورت ءمينيسترىن وتستاۆكاعا جىبەرۋدى تالاپ ەتتى.

فيلمگە تىيىم سالۋ قازاقستاننىڭ دەموكراتيالىق نەگىزدەرىنە قايشى كەلەدى، ول جەردە قازاقستان ازاماتتارى بەلگىلى ءبىر ءدىننىڭ داستۇرلەرىن ساقتاۋعا مىندەتتى ەمەس دەپ ايتىلادى. سوندىقتان فيلمگە تىيىم سالۋ ادام قۇقىعىن بۇزۋ بولىپ تابىلادى، – دەپ جازدى اۆتور ارتۋر بابيدوۆ.

اۆتور قازاقستانداعى تسەنزۋرانى جوققا شىعاراتىن كونستيتۋتسيا تۋرالى اتاپ ءوتتى.

«بىراق داۋرەن اباەۆ فيلمگە تىيىم سالۋدى قولداي وتىرىپ، تسەنزۋرانى جاقتايدى، بۇل دا كونستيتۋتسياعا قايشى كەلەدى» دەلىنگەن پەتيتسيا ماتىنىندە.

"ادىرنا" ۇلتتىق پورتالى

پىكىرلەر