"رەسەي قازاقستاننىڭ سولتۇستىگىندەگى ءۇش وبلىستى وزىنە قوسىپ العىسى كەلەدى. ەل پرەزيدەنتى قاسىم-جومارت توقاەۆ مۇنى جاقسى تۇسىنگەندىكتەن، كرەمل باسشىلىعىنان بارىنشا الشاق بولۋعا تىرىسادى". بۇل پىكىردى ۋكرايناداعى ستراتەگيالىق زەرتتەۋلەر جانە قاۋىپسىزدىك ينستيتۋتىنىڭ ديرەكتورى پاۆەل ليسيانسكي "24 ارناعا" بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
ول رەسەي فەدەراتسياسىنىڭ ۋكرايناعا جاپپاي باسىپ كىرۋىنەن كەيىن توقاەۆ اگرەسسور ەلگە ساياسي جانە ەكونوميكالىق تاۋەلدىلىكتەن ارىلۋ تۋرالى شەشىم قابىلداعانىن اتاپ ءوتتى.
"رەسەي قازاقستاننىڭ سولتۇستىگىندەگى ءۇش وبلىستىڭ وعان قاراعانىن ارماندايدى. قازاقتار بۇل تۋرالى بىلەدى، توقاەۆ تا بۇدان حاباردار، سوندىقتان ول وسىنداي ساياسات جۇرگىزىپ وتىر", – دەپ اتاپ ءوتتى ساراپشى.
ساراپشىنىڭ ايتۋىنشا، كسرو ىدىراعاننان كەيىن دە كرەمل قازاقستانداعى سەپاراتيزمنىڭ كەز كەلگەن ارەكەتىن قولدايدى، قازاق پەن ورىس حالقىنىڭ اراسىندا كوشە قاقتىعىستارى ورىن العان. ليسيانسكي ولاردىڭ دا ازيا مەملەكەتى اۋماعىندا قازاقستاننىڭ قۇرامىندا «ورال حالىق رەسپۋبليكاسى» مەن رەسەي اۆتونومياسىن قۇرۋعا تىرىسقانىن ەسكە سالدى.
"ادىرنا" ۇلتتىق پورتالى
