وزبەكستان بيلىگى قاراقالپاقستاندا بولعان وقيعا جەلىسىن تەك رەسمي مالىمەتتەر بويىنشا جاريالاۋدا، دەپ حابارلايدى “ادىرنا” ۇلتتىق پورتالى.
رەسمي بايانداما كوزىنە سۇيەنسەك، ارانداتۋشىلار جاعدايدى ودان ءارى ۋشىقتىرىپ، ءتۇرلى جالعان اقپاراتتار تاراتقان.
ميرزيەەۆ وزبەكستانداعى قاقتىعىس ۇزاق جىلدار بويى دايىندالىپ، نەگىزگى ماقساتى ەلدىڭ اۋماقتىق تۇتاستىعىن بۇزۋ مەن ەتنيكالىق قاقتىعىس جاساۋ بولعانىن دا تىلگە تيەك ەتتى.
وقيعا ورنىنان تۇسىرىلگەن بەينەماتەريالدار شەتەلدىك باق-تا جانە الەۋمەتتىك جەلىلەردە جەلدەي ەسىپ، ءتۇرلى ەكى جاقتى پىكىر قالىپتاستىرعان.
نارازىلىق كورسەتۋگە توپ بوپ جينالعانداردىڭ ىشىندەگى ەڭ بەلسەندىلەرى قىزىل جەيدەمەن ەرەكشەلەنگەن. باق بەتتەرىندەگى اقپاراتقا سۇيەنسەك، ولار قالانى سەكتورلارعا ءبولىپ الدى دەپ ايتۋدا.
تارالعان ۆيدەولارداعى ءىس-قيمىل، جۇرىستەرىنە قاراپ كوپ ادامنىڭ قىلمىستىق جازاعا تارتىلۋى مۇمكىن ەكەنى انىق بايقالادى.
“ادىرنا” ۇلتتىق پورتالى
