كيىكتى اتۋ جونىندە شەشىم شىققان ەكەن. دەمەك، ول ەندى اتىلادى. اتىلعاندا دا ونىڭ ەتىن ەشكىم پايدالانا المايدى. ويتكەنى، ءبىزدىڭ ەلدە ونىڭ ەتىن پايدالانۋدىڭ ەشقانداي ستاندارتى بەلگىلەنبەگەن ەكەن(ول جايلى كۇنى بويى زەرتتەگەندىكتەن ناقتى ايتىپ وتىرمىن).
ياعني، اتىلعان كيىكتىڭ ەتىن نە بازاردا ساتا المايسىڭ. نە "جەتىمدەر ۇيىنە" بەرە المايسىڭ. نە شۇجىق تسەحتارىنا بەرە المايسىڭ. قىسقاسى، اتىلعان جەرىندە بورسىپ قالادى. نە بولماسا اتقانداردىڭ اعايىن-تۋىسى ءبىر "شالا بايىپ" قالادى.
كوبەيىپ كەتكەن كيىكتەردى پايدالانۋدىڭ ەكىنشى جولى بار ەكەن. ەڭ ءتيىمدى جولى - ءبىزدىڭ كيىكتەردى الەمدىك زووپاركتەر مەن تابيعي پاركتەرگە ساتۋ. ونى ساتۋدىڭ ءبىر عانا جولى جانە ءبىر عانا قۇزىرەتى بار مەكەمە بار ەكەن. ول - شىمكەنت زووپاركى. ولاردىڭ فۋنكتسيونالدى قىزمەت ەرەجەلەرىنە ەنگىزىلگەن. بۇل جايلى بۇگىن شىمكەنت مەملەكەتتىك زوولوگيالىق ساياباعىنىڭ ديرەكتورى نۇرعازى بۇحارباي اعامىزدى ارنايى ىزدەپ بارىپ ەرەجەلەرىمەن تانىسقانىمدا، نۇرعازى اعامىز دا وسىنداي ويداعى حاتىن ءتيىستى ورگاندارعا ازىرلەپ جاتىر ەكەن. دەمەك، بىزدەردە ءوزىمىز كوبەيتكەن كيىكتەردى تابىس كوزىنە اينالدىرۋعا بولاتىن وسىنداي ءتيىمدى جولى بار. نەگە سونى پايدالانباسقا؟!
ءبىزدىڭ كيىكتەردىڭ ارقانىڭ ءشولدى-شولەيتتى جەرلەرى مەن قاقاعان قىسىنا توزىمدىلىگى، ولاردىڭ كانادانىڭ قىسىنان باستاپ افريكانىڭ شولىنە دەيىن شىدايتىنىنا ەشكىمنىڭ ءشۇباسى بولماس. الەمنىڭ ۇلتتىق تابيعي پاركتەرى مەن زووپاركتەرىندە ۇلكەن سۇرانىسقا يە بولاتىنىنا سەنىمدىمىن.
ۇكىمەتتىڭ قازىرگى "ارتىق" دەپ شىعارىپ وتىرعان 80 مىڭ باسىن، جىل سايىن 5-10 مىڭنان ساتىپ وتىرىپ-اق رەتتەۋگە بولادى.
ءارى، وزىمىزدە سانى ازايىپ جاتقاندا وزگە جاقتان اكەلىپ تە تولتىرۋىمىزعا مۇمكىندىك بەرەدى.
سول كيىكتەردى قورعاۋدىڭ ءوزى بيۋدجەتكە قانشاما قايتارىمسىز شىعىن بولۋدا. بۇگىنگى تارالعان اقپارات بويىنشا مينيستىرلىك كيىكتەردى اتۋعا 800 ملن ت قارجى بولمەك كورىنەدى. نەگە سول شىعىندارىمىزدى وسىنداي التەرناتيۆتى جولدارمەن ءوزىن-ءوزى جاۋىپ وتىرماسقا؟!
بۇل ۇسىنىستىڭ تاعى ءبىر پايداسى - وزگە ەلدىڭ ۇلتتىق پاركى مەن زووپاركىندەگى ءبىزدىڭ كيىكتەردى تانىستىرعاندا قازاقتساننىڭ دا اتى ايتىلادى. جەر-سۋى تانىستىرىلادى. بۇل دەگەنىمىز - ەلىمىزدىڭ قوسىمشا جارناماسى.
نۇرعازى اعامىز جاقىن كۇندەرى ءتيىستى ورگاندارعا ۇسىنىس حات جولدايتىنىن جەتكىزدى. بۇيىرسا، حالىق قولداپ جاتسا، ءار باسىن تىرىدەي 500$-دان ساتساق تا قازاقتىڭ قازىناسىنا قارجى ءتۇسىرىپ وتىرۋعا مۇمكىندىك بەرەتىن جولى قالىپتاسۋى مۇمكىن.
سوندىقتان، قازاقستانداعى كيىكتەردىڭ اتىلۋىنا قارسى ازاماتتار وسى ۇسىنىسىمدى قولدايدى دەپ ۇمىتتەنەمىن.
