الماتىدا مۇگەدەكتىگى بار جاندارعا ارنالعان «شىراق» تەگىن كۋرسىنىڭ ارقاسىندا 27 ادام جۇمىسقا ورنالاستى، دەپ حابارلايدى "ادىرنا" ۇلتتىق پورتالى Almaty.tv ارناسىنا سىلتەمە جاساي وتىرىپ. «شىراق» تەگىن كۋرسىنىڭ ماقساتى – قاتىسۋشىلاردى تاۋەلسىز بولۋعا ۇيرەتۋ.
قازىر «اق باستاۋ» شيپاجايىندا 80-گە جۋىق ادام ءبىلىمىن جەتىلدىرىپ جاتىر. ماقساتى – قاتىسۋشىلاردى وزگەلەردىڭ كومەگىنسىز تاۋەلسىز بولۋعا ۇيرەتۋ. شارا بيزنەس ترەنينگپەن باستالىپ، سوڭى اسپازدىق سايىسپەن جالعاستى. ۇيىمداستىرۋشىلاردىڭ ايتۋىنشا، بۇل جوبا جىل سوڭىنا دەيىن جالعاسادى.
«كوبىرەك مۇگەدەكتىگى بار ادامداردىڭ كوبىسى جاڭاعى ۇيدە وتىرعان كىسىلەر بولعاندىقتان، ولاردى كوبىرەك قوعامعا شىعارۋ، قوعاممەن ارالاستىرۋ. كوپتەگەن ءبىزدىڭ قاتىسۋشىلارىمىزدىڭ ماقساتى پايدا بولادى، وقۋعا تۇسكىسى كەلەتىندەرى وقۋعا تۇسەدى، وتباسى قۇرىپ جاتقان قانشاما ءبىزدىڭ قاتىسۋشىلارىمىز بار»، – دەدى «شىراق» قوعامدىق بىرلەستىگىنىڭ جاتتىقتىرۋشىسى اينۇر سىرلىباەۆا.
