بقو اكىمى توققا تۇسكەن بالاعا 3 بولمەلى پاتەر سىيلادى

639

بقو اكىمى عالي ەسقاليەۆ توق سوعىپ، ەكى قولىنان ايىرىلعان امانجولعا ءۇش بولمەلى پاتەر سىيلادى، دەپ حابارلايدى "ادىرنا" ۇلتتىق پورتالى.

وبلىس اكىمى ءباسپاسوز قىزمەتىنىڭ مالىمەتىنشە، وبلىس اكىمى امانجولعا پروتەز دايىنداۋ جۇمىسىن ءوز باقىلاۋىنا العان. اكىمدىك بۇگىندە مەديتسينالىق ۇيىمدارمەن كەلىسسوزدەر جۇرگىزىپ، زاماناۋي پروتەز جاساۋ بويىنشا كەلىسىمگە كەلگەن. ەڭ قۋانىشتىسى، بالانىڭ جاعدايىمەن تانىسقان ۇيىم باسشىلارى پروتەزدى اقىسىز نەگىزدە دايىنداۋ جونىندە نيەت ءبىلدىرىپتى. بىراق پروتەزدى شامامەن 5-6 ايدان كەيىن سالۋ كەرەك. ال ازىرگە بال دارىگەرلەردىڭ ءجىتى باقىلاۋىندا.

كوپبالالى وتباسىعا قولايلى جاعداي جاساۋ ماقساتىندا عالي ەسقاليەۆ جەرگىلىكتى قۇرىلىس كومپانياسىنىڭ قولداۋىمەن، كوپبالالى وتباسىعا جاڭادان سالىنعان ۇيدەن 3 بولمەلى پاتەر تابىستايتىن بولدى. جاڭا ءۇي امانجول ەم قابىلداپ جاتقان اۋرۋحانانىڭ اۋدانىندا ورنالاسقان، تۇرعىن ءۇي جازدىڭ سوڭىندا تاپسىرىلادى.

سونداي-اق، وبلىس اكىمى اپپاراتى، باسقا دا مەكەمەلەردىڭ قىزمەتكەرلەرى امانجولدىڭ وتباسىنا ءبىر كۇندىك جالاقىلارىن اۋدارادى. قوسىمشا قاجەتتىلىك بولعان جاعدايدا، جەرگىلىكتى بيلىك تاراپىنان جان-جاقتى قولداۋ كورسەتىلمەك.

 

 "ادىرنا" ۇلتتىق پورتالى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket