BQO ákimi Ǵalı Esqalıev toq soǵyp, eki qolynan aıyrylǵan Amanjolǵa úsh bólmeli páter syılady, dep habarlaıdy "Adyrna" ulttyq portaly.
Oblys ákimi baspasóz qyzmetiniń málimetinshe, oblys ákimi Amanjolǵa protez daıyndaý jumysyn óz baqylaýyna alǵan. Ákimdik búginde medıınalyq uıymdarmen kelissózder júrgizip, zamanaýı protez jasaý boıynsha kelisimge kelgen. Eń qýanyshtysy, balanyń jaǵdaıymen tanysqan uıym basshylary protezdi aqysyz negizde daıyndaý jóninde nıet bildiripti. Biraq protezdi shamamen 5-6 aıdan keıin salý kerek. Al ázirge bal dárigerlerdiń jiti baqylaýynda.
Kópbalaly otbasyǵa qolaıly jaǵdaı jasaý maqsatynda Ǵalı Esqalıev jergilikti qurylys kompanııasynyń qoldaýymen, kópbalaly otbasyǵa jańadan salynǵan úıden 3 bólmeli páter tabystaıtyn boldy. Jańa úı Amanjol em qabyldap jatqan aýrýhananyń aýdanynda ornalasqan, turǵyn úı jazdyń sońynda tapsyrylady.
Sondaı-aq, oblys ákimi apparaty, basqa da mekemelerdiń qyzmetkerleri Amanjoldyń otbasyna bir kúndik jalaqylaryn aýdarady. Qosymsha qajettilik bolǵan jaǵdaıda, jergilikti bılik tarapynan jan-jaqty qoldaý kórsetilmek.
"Adyrna" ulttyq portaly.
