مەنى جەپ قويساڭدار دا ويىمدى ايتقىم كەلەدى. قالالاردى، اەروپورتتاردى ادام ەسىمىمەن اتاۋدى توقتاتۋ كەرەك! تاريحي قالالاردىڭ اتىمەن اتالعانى دۇرىس. اەروپورتتار ءوز وبلىستارىنىڭ، قالالارىنىڭ اتىمەن قالعانى ءجون.
عالىم دا عۇلاما دا اشقان جاڭالىعىمەن، ۇرپاققا قالدىرعان مۇراسىمەن مىڭ جاسايدى. كۇنى ەرتەڭ توزىعى جەتىپ قيراپ قالاتىن نىساندارعا ەسىم بەرۋدى ساياسي ناۋقانعا اينالدىرۋ ۇلتتىڭ جوقتايتىن دۇنيەسى ەمەس. "حالىق قالاپ وتىر" "حالىقتىڭ سۇراۋى" دەگەن جالعان پافوستى دوعارايىقشى. بۇل باسكەلەستىككە الىپ كەلە جاتىر. ونان گورى توزىعى جەتكەن جول، اۋىز سۋ، جايىلىمعا قولى جەتپەي وتىرعان حالىقتىڭ شىن ءسوزىن جەتكىزەيىكشى پرەزيدەنتكە!
حالىق - كوپ! كوپتىڭ اتى حالىق! حالىق جول باستايتىن كوسەمىنە سەنەدى. سول كوسەمىنىڭ سوڭىنان ەرەدى. ەجەلدەن وسى. سوندىقتان حالىقتىڭ اتىن جامىلىپ، ءار نارسەنى پرەزيدەنتكە ۇسىنا بەرمەۋ ءلازىم.
قاپتاعان كوشە اتتارى، مەكتەپ اتتارى، كىتاپحانا اتتارى، مادەني ورتالىق اتتارى، كىتاپحاناعا كىرسەڭ كابينەتتەرگە دەيىن اتىن بەرىپ، ەسىمىن ايشىقتاپ تاستاعان. استاناداعى ۇلتتىق كىتاپحاناعا ءتىپتى كىتاپ قورىن بەرمەگەندەر دە وزدەرىنىڭ ەسىمىمەن زال اشىپ تاستاعان. بۇل نە؟.. "باسسىز ءۇيدىڭ ءيتى وسىراق" دەيدى ءبىزدىڭ دانىشپان قازاق. كىتاپ وقيتىن وقىرمان زالى جوق، ءىشى قاپىرىق، كونديتسيونەر جوق، جەرگە ايقىش-ۇيقىش، جاعال-جاعال كىلەم، توبەگە دەيىن گورشوققا وتىرعىزىلعان گۇل. (قۇداي ساقتاسىن، وقىرمان باسىنا قۇلاپ كەتسە قايتپەك؟) كىتاپحانانىڭ وزىنە لايىق ستاتۋسى بار ەمەس پە ەدى؟ وسى ۋاقىتقا دەيىن تالاي ميلليارد ءبولىندى. قايدا سول قاراجات؟. قولدى بولعان كىتاپتار سول بويى جابۋلى قازان بولىپ، ىم-جىممەن قالدى. "ويباي چيپ جوق، چيپ بولماعان سوڭ كىتاپ ۇرلانادى" دەگەن الداۋسىراتقان سىلتاۋدى دا ەستىدىك. بۇل دەگەن اركىم كەلىپ ءبىر سارىپ كەتەتىن جەر ەمەس قوي.
جازۋشى روزا مۇقانوۆانىڭ facebookپاراقشاسىنان
