Meni jep qoısańdar da oıymdy aıtqym keledi. Qalalardy, aeroporttardy adam esimimen ataýdy toqtatý kerek! Tarıhı qalalardyń atymen atalǵany durys. Aeroporttar óz oblystarynyń, qalalarynyń atymen qalǵany jón.
Ǵalym da ǵulama da ashqan jańalyǵymen, urpaqqa qaldyrǵan murasymen myń jasaıdy. Kúni erteń tozyǵy jetip qırap qalatyn nysandarǵa esim berýdi saıası naýqanǵa aınaldyrý ulttyń joqtaıtyn dúnıesi emes. "Halyq qalap otyr" "Halyqtyń suraýy" degen jalǵan pafosty doǵaraıyqshy. Bul báskelestikke alyp kele jatyr. Onan góri tozyǵy jetken jol, aýyz sý, jaıylymǵa qoly jetpeı otyrǵan halyqtyń shyn sózin jetkizeıikshi PREZIDENTKE!
Halyq - kóp! Kóptiń aty HALYQ! Halyq jol bastaıtyn kósemine senedi. Sol kóseminiń sońynan eredi. Ejelden osy. Sondyqtan halyqtyń atyn jamylyp, ár nárseni prezıdentke usyna bermeý lázim.
Qaptaǵan kóshe attary, mektep attary, kitaphana attary, mádenı ortalyq attary, kitaphanaǵa kirseń kabınetterge deıin atyn berip, esimin aıshyqtap tastaǵan. Astanadaǵy Ulttyq kitaphanaǵa tipti kitap qoryn bermegender de ózderiniń esimimen zal ashyp tastaǵan. Bul ne?.. "Bassyz úıdiń ıti osyraq" deıdi bizdiń danyshpan qazaq. Kitap oqıtyn oqyrman zaly joq, ishi qapyryq, kondııoner joq, jerge aıqysh-uıqysh, jaǵal-jaǵal kilem, tóbege deıin gorshoqqa otyrǵyzylǵan gúl. (qudaı saqtasyn, oqyrman basyna qulap ketse qaıtpek?) Kitaphananyń ózine laıyq statýsy bar emes pe edi? Osy ýaqytqa deıin talaı mıllıard bólindi. Qaıda sol qarajat?. Qoldy bolǵan kitaptar sol boıy jabýly qazan bolyp, ym-jymmen qaldy. "oıbaı chıp joq, chıp bolmaǵan soń kitap urlanady" degen aldaýsyratqan syltaýdy da estidik. Bul degen árkim kelip bir saryp ketetin jer emes qoı.
Jazýshy Roza Muqanovanyń facebookparaqshasynan
