مەملەكەتتىك باسقارۋ اكادەمياسىنىڭ تۇلەكتەرىنە ديپلوم تابىستاۋ ءراسىمى ءوتتى

2040
Adyrna.kz Telegram

28 ماۋسىمىندا قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ تۇلەكتەرىنە ديپلوم تابىستاۋدىڭ ءراسىمى سالتاناتتى تۇردە ءوتتءى.اكادەميانى ءساتتى اياقتاعان 9 دوكتورانتۋرا جانە 122 ماگيستراتۋرا باعدارلامالارىنىڭ تۇلەكتەرىنە ديپلومدار تابىستالدى. سونىڭ ىشىندە 29 تۇلەك پرەزيدەنتتىك جاستار كادرلىق رەزەرۆىنە ءوتتى.

تۇلەكتىڭ كوك مانتياسىن كيگەن بارلىق بىتىرۋشىلەر رەسمي تۇردە قر پرەزيدەنتى جانىنداعى مەملەكەتتىك باسقارۋ اكادامياسىنىڭ تۇلەگى بولىپ اتالدى.

سالتاناتتى شاراعا قازاقستان رەسپۋبليكاسى پرەزيدەنتى اكىمشىلىگى، قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى، قازاقستان رەسپۋبليكاسىنىڭ سىرتقى ىستەر مينيسترلىگى جانە قازاقستان رەسپۋبليكاسى مەملەكەتتىك قىزمەت حابىنان قوناقتارى قاتىستى.

تۇلەكتەردىڭ ءوزدەرى ايتقانداي، اكادەمياعا اشىق كونكۋرس ارقىلى تۇسۋگە بولعانمەن، ماگيسترانت اتانۋ وڭاي ەمەس. سەبەبى جىل سايىن اكادەميا ءوز قاتارىنا تەك 130 جۋىق ءبىلىم الۋشىلاردى قابىلدايدى ەكەن. ءار تۇلەك مەملەكەتتىك باسقارۋ سالاسىندا العان ءبىلىمىن ءوزىنىڭ قىزمەت بابىندا پايدالانۋعا اسىق.

ءداستۇر بويىنشا تۇلەكتەرگە ارناپ اكادەميا رەكتورى ءابىل ەرلان قۋانىشۇلى قۇتتىقتاۋ ءسوزىن سويلەدى: «اكادەميانىڭ ميسسياسى ەل مەن الەم يگىلىگى ءۇشىن ءبىلىمدى قالىپتاستىرۋ، ساقتاۋ جانە تاراتۋ بولىپ تابىلادى.

ءبىز اشىق بولۋ جانە قورشاعان ورتاعا دەگەن سۇيىسپەنشىلىك پەن ءوز ەلىڭدى ءسۇيۋ قۇندىلىقتارىن ۇنەمى دارىپتەپ كەلەمىز. وزدەرىڭىز بىلەتىندەي، «حالىق ۇنىنە قۇلاق اساتىن مەملەكەتتە» اشىق بولۋ بۇگىنگى كۇننىڭ تالابى.قوعام قايراتكەرى ءاليحان بوكەيحانوۆ «ۇلتقا قىزمەت بىلىمنەن ەمەس، مىنەزدەن» دەپ ايتقانداي، وسى اتالعان قۇندىلىقتاردى ۇنەمى ۇستانىپ جانە ودان ءارى ءوز قىزمەت جولدارىڭىزدا ءىس جۇزىندە قولدانىپ، كاسىبيلىكتىڭ جوعارى دەڭگەيىن تانىتاتىندارىڭىزعا، سونداي-اق ەكونوميكالىق تۇرعىدان دامىعان جاڭا قازاقستاندى قۇرۋعا ءوز ۇلەستەرىڭىزدى قوساتىندارىڭىزعا كامىل سەنىمدىمىن.»

قۇرمەتپەن، اكادەميانىڭ ءباسپاسوز قىزمەتى

بايلانىس تەلەفونى: +7 775 3320800 بيبىگۇل قۇلامان. ءباسپاسوز حاتشىسى.

ەل.پوشتا: b.kulaman@apa.kz.

پىكىرلەر