قايرات قۇدايبەرگەن تەرگەۋ يزولياتورىندا بولعان جاعداي تۋرالى اشىپ ايتتى، دەپ حابارلايدى “ادىرنا” ۇلتتىق پورتالى.
تەرگەۋ يزولياتورىندا وتىرۋ تۇرمەدە وتىرۋدان الدەقايدا جامان، سوندىقتان تەرگەۋ يزولياتورىنداعى ءبىر اي زاڭ جۇزىندە ءبىر جارىم ايعا تەڭ دەپ باسا ايتتى كاسىپكەر.
“ۇقك-ءنىڭ تەرگەۋ يزولياتورىندا كامەرالاسىڭىزدان باسقا ەشكىممەن سويلەسە المايسىز. ەكەۋىڭىز ەنى ەكى مەتر، ۇزىندىعى بەس مەترلىك قاپاستى بولىسەسىزدەر. تەرەزە سىرتىنان 60-70 سم قورشالعان قوراپ ءتارىزدى قۇرىلىس بولىپ تابىلادى، ول قابىرعاعا ءدال سول 60 سم ويىقپەن شەگەلەنگەن، كۇندىز تورعا كۇن ساۋلەسى ازداپ تۇسەدى”، – دەپ جازدى ول.
Stan.kz سايتىنىڭ مالىمەتىنشە، بەلسەندى يزولياتورداعى ۋاقىتىن كىر جۋمەن وتكىزگەنىن دە اتاپ ءوتتى.
ء“بىز بۇل ۋاقىتتى كىر جۋعا پايدالانامىز. ۇقك-ءنىڭ تەرگەۋ يزولياتورىنداعى دارەتحانا 12/18 تەرگەۋ يزولياتورىنداعى اجەتحاناعا قاراعاندا اشىق. بيىكتىگى 1,20 قابىرعا ءبىر جاعىندا عانا، ال الدىڭعى بولىگىن ءوزىمىز ەسىكپەن جابامىز. ال ەسىك دەپ وتىرعانىم جاي عانا ماتا”، – دەپ جازدى ول.
سوزىنشە، وندا اپتاسىنا ءبىر رەت دۋشقا تۇسۋگە بولادى.
“دارەتحانانىڭ استىندا جۋىنامىز، ول مۇلدەم شىداماي بارا جاتقانداعى ماجبۇرلىك شارا. دارەتحانانىڭ اياق دەڭگەيىندە جاسالعانى قانداي جاقسى”، – دەدى ول.
وندا جۇمىس ىستەيتىن قىزمەتكەرلەردى كاسىپكەر وتە ادەكۆاتتى ادامدار، ءتىپتى ولار ءوز سالاسىنىڭ ناعىز كاسىبي ماماندارى دەپ اتادى.
“ارتىق ەشتەڭەگە جول بەرىلمەيدى. بارلىعى ەرەجەگە سايكەس. مەن ايتقان نارسەلەردىڭ ءبارى بۇل ادامداردىڭ كىناسى ەمەس. بۇل – جۇيەنىڭ كىناسى”، – دەدى قۇدايبەرگەن.
ول جاتاتىن ورىنداردى ۇيىقتاۋعا مۇمكىن ەمەس مەتتال جاقتاۋ دەپ اتادى.
“توسەك – بولەك ازاپتاۋ ماتەريالى. ەگەر جاناشىر قىزمەتكەرلەر فانەرا تاقتايشاسىن بەرمەسە، وندا ەشقانداي يرونياسىز، بەرىلگەن ماتراستا ۇيىقتاپ ادامنىڭ ومىرتقاسى قيسايۋى مۇمكىن. ويتكەنى بۇل جەردەگى كەرەۋەت – ءبىر-بىرىنە تەمىر قۇبىرلار مەن تاقتايشالار بويىمەن جانە كولدەنەڭىنەن جالعانعان مەتالل جاقتاۋ عانا. ولاردا فانەردىڭ ءبىر بولىگىنسىز ۇيىقتاۋ – ناعىز ازاپ”، – دەپ ءتۇسىندىردى ول.
ايتۋىنشا، مۇنداعى كۇدىكتىلەر رەتسەديۆيست قىلمىسكەرلەردەن دە ناشار جاعدايدا وتىر.
“ۇقك-ءنىڭ تەرگەۋ يزولياتورىنىڭ عيماراتى وتكەن عاسىردىڭ 30-شى جىلدارى سالىنعان. وسىندا اتا-باباسىنان ايىرىلعان اتالارىمىزدى نكۆد-نىڭ يتتەرى اتىپ ولتىرگەن. قازىر مۇندا جاي عانا قىلمىس جاسادى دەگەن كۇدىككە ىلىنگەن ادامدار ادامگەرشىلىككە جاتپايتىن جاعدايدا وتىر. "كۇدىكتى" دەپ باسا ايتامىن، سوعان قاراماستان ولار مۇندا رەتسەديۆيست قىلمىسكەرلەردەن دە ناشار جاعدايدا وتىر.
ءالى ەسىمدە، وسىدان 6-7 جىلداي بۇرىن حالىقارالىق ەۋروپالىق ستاندارتقا ساي جاڭا تەرگەۋ يزولياتورىن سالۋ ماسەلەسى تالقىلانعان بولاتىن. بىراق ادەتتەگىدەي بۇعان بيۋدجەتتەن اقشا بولمادى الايدا ەكسپو 2017 ءۇشىن اقشا تابىلدى. مىنە، ءومىر شىندىعى. ءبىزدىڭ ەلدە ادام تاعدىرى تارازىنىڭ ءبىر جاعىندا، كورسەقىزۋشىلىق ءبىر جاعىندا بولسا، كورسەقىزۋشىلىق تاڭدالادى. قۇقىق قورعاۋ جۇيەسىن وزگەرتۋ كەرەك. ءسوز جۇزىندە ەمەس، ءىس جۇزىندە”، – دەپ جازدى ول.
