Qaırat Qudaıbergen tergeý ızolıatorynda bolǵan jaǵdaı týraly ashyp aıtty, dep habarlaıdy “Adyrna” ulttyq portaly.
Tergeý ızolıatorynda otyrý túrmede otyrýdan áldeqaıda jaman, sondyqtan tergeý ızolıatoryndaǵy bir aı zań júzinde bir jarym aıǵa teń dep basa aıtty kásipker.
“UQK-niń tergeý ızolıatorynda kameralasyńyzdan basqa eshkimmen sóılese almaısyz. Ekeýińiz eni eki metr, uzyndyǵy bes metrlik qapasty bólisesizder. Tereze syrtynan 60-70 sm qorshalǵan qorap tárizdi qurylys bolyp tabylady, ol qabyrǵaǵa dál sol 60 sm oıyqpen shegelengen, kúndiz torǵa kún sáýlesi azdap túsedi”, – dep jazdy ol.
Stan.kz saıtynyń málimetinshe, belsendi ızolıatordaǵy ýaqytyn kir jýýmen ótkizgenin de atap ótti.
“Biz bul ýaqytty kir jýýǵa paıdalanamyz. UQK-niń tergeý ızolıatoryndaǵy dárethana 12/18 tergeý ızolıatoryndaǵy ájethanaǵa qaraǵanda ashyq. Bıiktigi 1,20 qabyrǵa bir jaǵynda ǵana, al aldyńǵy bóligin ózimiz esikpen jabamyz. Al esik dep otyrǵanym jaı ǵana mata”, – dep jazdy ol.
Sózinshe, onda aptasyna bir ret dýshqa túsýge bolady.
“Dárethananyń astynda jýynamyz, ol múldem shydamaı bara jatqandaǵy májbúrlik shara. Dárethananyń aıaq deńgeıinde jasalǵany qandaı jaqsy”, – dedi ol.
Onda jumys isteıtin qyzmetkerlerdi kásipker óte adekvatty adamdar, tipti olar óz salasynyń naǵyz kásibı mamandary dep atady.
“Artyq eshteńege jol berilmeıdi. Barlyǵy erejege sáıkes. Men aıtqan nárselerdiń bári bul adamdardyń kinási emes. Bul – júıeniń kinási”, – dedi Qudaıbergen.
Ol jatatyn oryndardy uıyqtaýǵa múmkin emes mettal jaqtaý dep atady.
“Tósek – bólek azaptaý materıaly. Eger janashyr qyzmetkerler fanera taqtaıshasyn bermese, onda eshqandaı ıronııasyz, berilgen matrasta uıyqtap adamnyń omyrtqasy qısaıýy múmkin. Óıtkeni bul jerdegi kereýet – bir-birine temir qubyrlar men taqtaıshalar boıymen jáne kóldeneńinen jalǵanǵan metall jaqtaý ǵana. Olarda fanerdiń bir bóliginsiz uıyqtaý – naǵyz azap”, – dep túsindirdi ol.
Aıtýynsha, mundaǵy kúdiktiler reedıvıst qylmyskerlerden de nashar jaǵdaıda otyr.
“UQK-niń tergeý ızolıatorynyń ǵımaraty ótken ǵasyrdyń 30-shy jyldary salynǵan. Osynda ata-babasynan aıyrylǵan atalarymyzdy NKVD-nyń ıtteri atyp óltirgen. Qazir munda jaı ǵana qylmys jasady degen kúdikke ilingen adamdar adamgershilikke jatpaıtyn jaǵdaıda otyr. "Kúdikti" dep basa aıtamyn, soǵan qaramastan olar munda reedıvıst qylmyskerlerden de nashar jaǵdaıda otyr.
Áli esimde, osydan 6-7 jyldaı buryn halyqaralyq eýropalyq standartqa saı jańa tergeý ızolıatoryn salý máselesi talqylanǵan bolatyn. Biraq ádettegideı buǵan bıýdjetten aqsha bolmady alaıda EKSPO 2017 úshin aqsha tabyldy. Mine, ómir shyndyǵy. Bizdiń elde adam taǵdyry tarazynyń bir jaǵynda, kórseqyzýshylyq bir jaǵynda bolsa, kórseqyzýshylyq tańdalady. Quqyq qorǵaý júıesin ózgertý kerek. Sóz júzinde emes, is júzinde”, – dep jazdy ol.
