قر وقۋ-اعارتۋ مينيسترلىگىنىڭ ءبىلىم جانە عىلىم سالاسىندا ساپانى قامتاماسىز ەتۋ كوميتەتى توراعاسىنىڭ ورىنباسارى مايرا مەلدەبەكوۆا مەكتەپتى جوندەۋگە اتا-انالاردان اقشا جيناۋ ماسەلەسىنە قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.
ايتۋىنشا، مەملەكەتتىك مەكتەپتەر اكىمدىكتەرگە قارايدى. ياعني، مەكتەپتەردى جابدىقتاۋ، ماتەريالدىق-تەحنيكالىق بازاسىن نىعايتۋ، سونداي-اق اعىمداعى جوندەۋ جۇمىستارى جەرگىلىكتى بيۋدجەت ەسەبىنەن جۇرگىزىلۋى ءتيىس.
«سوندىقتان دا اتا-انالار مەن مۇعالىمدەردەن مەكتەپتى جوندەۋگە اقشا جيناۋعا بولمايدى. بيىل ءساۋىر ايىندا «پەداگوگ مارتەبەسى تۋرالى» زاڭ اياسىندا ءبىلىم جانە عىلىم مينيسترلىگىنىڭ ارنايى بۇيرىعى قابىلداندى. بۇيرىقتا پەداگوگتەردى وزدەرىنىڭ جۇمىستارىنا ءتان ەمەس باسقا جۇمىستارعا تارتۋعا، ولاردان مينيسترلىكتىڭ 130-شى بۇيرىعىندا قارالماعان ەسەپتەردى تالاپ ەتۋگە بولمايتىنى ناقتى كورسەتىلگەن. سونىمەن قاتار پەداگوگتەر جۇمىس بارىسىندا پايدالاناتىن قاعاز نەمەسە باسقا دا شىعىندارعا ءوز قاراجاتتارىن جۇمساماۋى كەرەك. بۇل دا وسى بۇيرىقتا كورسەتىلگەن»،- دەدى ول.
