QR Oqý-aǵartý mınıstrliginiń Bilim jáne ǵylym salasynda sapany qamtamasyz etý komıteti tóraǵasynyń orynbasary Maıra Meldebekova mektepti jóndeýge ata-analardan aqsha jınaý máselesine qatysty túsinikteme berdi, dep habarlaıdy «Adyrna» tilshisi.
Aıtýynsha, memlekettik mektepter ákimdikterge qaraıdy. Iaǵnı, mektepterdi jabdyqtaý, materıaldyq-tehnıkalyq bazasyn nyǵaıtý, sondaı-aq aǵymdaǵy jóndeý jumystary jergilikti bıýdjet esebinen júrgizilýi tıis.
«Sondyqtan da ata-analar men muǵalimderden mektepti jóndeýge aqsha jınaýǵa bolmaıdy. Bıyl sáýir aıynda «Pedagog mártebesi týraly» zań aıasynda Bilim jáne ǵylym mınıstrliginiń arnaıy buıryǵy qabyldandy. Buıryqta pedagogterdi ózderiniń jumystaryna tán emes basqa jumystarǵa tartýǵa, olardan mınıstrliktiń 130-shy buıryǵynda qaralmaǵan esepterdi talap etýge bolmaıtyny naqty kórsetilgen. Sonymen qatar pedagogter jumys barysynda paıdalanatyn qaǵaz nemese basqa da shyǵyndarǵa óz qarajattaryn jumsamaýy kerek. Bul da osy buıryqta kórsetilgen»,- dedi ol.
