جاڭاوزەندە قاڭعىباس يتتەر 13 جاستاعى قىزعا شابۋىل جاسادى

2323
Adyrna.kz Telegram
فوتو: nur.kz
فوتو: nur.kz

جاڭاوزەندە قاڭعىباس يتتەر 13 جاستاعى قىزعا شابۋىل جاسادى، دەپ حابارلايدى «ادىرنا» ۇلتتىق پورتالى «لادا»-عا سىلتەمە جاساپ.

وقيعا تۋرالى جەرگىلىكتى بلوگەر اقمارال بايبوز حابارلاعان. ونىڭ ايتۋىنشا، 13 جاستاعى قىزعا قاڭعىباس يتتەر شابۋىل جاساعان. جاقىن جەردە وقيعا كۋاگەرلەرى كومەككە جەتىپ، قاڭعىباس يتتەردى قۋىپ جىبەرگەن. زارداپ شەككەن بالا اۋرۋحاناعا جەتكىزىلدى.

— بالالار عانا ەمەس، ۇلكەندەر دە كوشەگە شىعۋعا قورقادى. بيلىكتەن شارا قولدانۋىن سۇرايمىن، – دەپ جازدى بلوگەر.

ازىرگە جاسوسپىرىمگە شابۋىل جاساعان يتتەردىڭ ۇستالعانى-ۇستالماعانى ءالى بەلگىسىز. ءدال وسىنداي جاعداي جۋىردا اقتوبە وبلىسىندا دا بولعان. بۇل وبلىستا مەكتەپ وقۋشىسىن يتتەر تالاپ ءولتىردى.

بيىل 2 ناۋرىزدا قازاقستاندا «جانۋارلارعا جاۋاپكەرشىلىكپەن قاراۋ تۋرالى» زاڭ كۇشىنە ەندى. جاڭا ەرەجەگە سايكەس، ايىقپاس دەرتكە شالدىققان نەمەسە قوعامعا قاۋىپتى يتتەردى عانا جويۋعا رۇقسات ەتىلسە، قالعاندارى مىندەتتى تۇردە زارارسىزداندىرۋعا تيەسىلى.

 

 «ادىرنا» ۇلتتىق پورتالى.

پىكىرلەر