Jańaózende qańǵybas ıtter 13 jastaǵy qyzǵa shabýyl jasady, dep habarlaıdy «Adyrna» ulttyq portaly «Lada»-ǵa silteme jasap.
Oqıǵa týraly jergilikti bloger Aqmaral Baıboz habarlaǵan. Onyń aıtýynsha, 13 jastaǵy qyzǵa qańǵybas ıtter shabýyl jasaǵan. Jaqyn jerde oqıǵa kýágerleri kómekke jetip, qańǵybas ıtterdi qýyp jibergen. Zardap shekken bala aýrýhanaǵa jetkizildi.
— Balalar ǵana emes, úlkender de kóshege shyǵýǵa qorqady. Bılikten shara qoldanýyn suraımyn, – dep jazdy bloger.
Ázirge jasóspirimge shabýyl jasaǵan ıtterdiń ustalǵany-ustalmaǵany áli belgisiz. Dál osyndaı jaǵdaı jýyrda Aqtóbe oblysynda da bolǵan. Bul oblysta mektep oqýshysyn ıtter talap óltirdi.
Bıyl 2 naýryzda Qazaqstanda «Janýarlarǵa jaýapkershilikpen qaraý týraly» zań kúshine endi. Jańa erejege sáıkes, aıyqpas dertke shaldyqqan nemese qoǵamǵa qaýipti ıtterdi ǵana joıýǵa ruqsat etilse, qalǵandary mindetti túrde zararsyzdandyrýǵa tıesili.
«Adyrna» ulttyq portaly.
