ءابىلحان قاستەەۆ اتىنداعى مەملەكەتتىك ونەر مۋزەيىندە 12 ماۋسىم كۇنى ساعات 16.00-دە پاريج قالاسىندا تۇراتىن بەرلين يريشەۆتىڭ جەكە كوللەكتسياسىنان «ديور مۋزاسىنىڭ پورترەتى» اتتى ءبىر عانا تۋىندىنىڭ كورمەسى وتەدى، دەپ حابارلايدى kazmuseum.kz سايتى. 
پورترەتتى Leon Zeytline ەسىمدى سۋرەتشى سالعان. سۋرەتشى 1908 جىلى ماسكەۋ كەسكىندەمە ۋچيليششەسىن ءتامامداپ، 1909 جىلى فرانتسياعا قونىس اۋدارادى. سۋرەتشى، اسىرەسە سول كەزەڭدەگى سانگە ەرەكشە ءمان بەرەدى. سۋرەتشىگە 2017 جىلى Fournaise مۋزەيىندە وتكەن بەلگىسىز كوللەكتسيونەردىڭ Bons Baisers de Paris كورمەسى ۇلكەن تانىمالدىلىق الىپ كەلدى. وسى كورمەدەن كەيىن، سۋرەتشىنىڭ تۋىندىلارىنىڭ باعاسى وسە باستايدى.
1950- جىلداردا سۋرەتشى ءوزىنىڭ جۇمىستارىنىڭ بىرىندە كريستيان ديوردىڭ سۇيىكتى مۋزاسىن – اتى اڭىزعا اينالعان مودەل اللا يلچۋندى بەينەلەيدى. ءبىزدىڭ وتانداسىمىزدىڭ فرانتسياداعى وقيعاسى ءبىز ويلاعانداي ءساتتى باستالعان جوق. جاس اللا پاريجگە كوشكەندە فرانتسۋز مەيرامحاناسىندا ىدىس جۋشى بولىپ ءجۇرىپ كۇنىن كورەدى. دارىندى، كەيىننەن اتاقتى كۋتيۋرە كريستيان ديورمەن كەزدەسۋ مۇمكىندىگى كەزدەيسوق بولادى، اللانىڭ قۇربىسى ونى كيىم ولشەۋ بولمەسىندە الماستىرۋىن وتىنگەننەن باستالعان ەدى. ديور قىزدى ەسىندە ساقتاپ، ونى «مەيىرىمدى ءارى جۇمباق جان» رەتىندە سيپاتتايدى. كۋتيۋرەنىڭ اتەلەسى جاس سۇلۋدى جۇمىسقا شاقىرعاندا ەندى عانا تانىمال بولا باستاعان ەدى. ول اللانى ءوزىنىڭ باستى، ساتتىلىك اكەلەتىن مۋزاسى دەپ اتايدى. اللا ارىپتەستەرى مەن وزىنەن كەيىنگىلەرگە «مىسىقكوز» ۇلگىسى بەينەسىن جاساي الدى. سونىڭ ارقاسىندا الەم بۇگىنگى كۇنى كوزدى سىزىقپەن بوياۋدىڭ اتاقتى ارلەۋىن تاني ءبىلدى. مۋزا تەك شىعىستىق شىعۋ تەگىنە عانا ەمەس، قىپشا بەلىنىڭ ارقاسىندا اتاقتى بولدى. ءوزىنىڭ مانسابى جولىندا ونىڭ قىپشا بەلى 47-دەن 49 سم-گە دەيىن عانا وزگەردى، وسى ارقىلى قىپشا بەلدىڭ ءسادى ەكەنىن ناسيحاتتادى.
ءوزىنىڭ قابىلەتىنىڭ ارقاسىندا اللا ءيلچۋننىڭ بەلگىلى ءسانپاز بولۋى تەز بولدى. 50 – جىلدارى قازاق قىزى فرانتسۋزدىق ەسترادا جانە كينو جۇلدىزدارىنا كوپشىلىك قاۋىم اراسىنا قانداي كيىمدەر كيىپ شىعۋدى ايتىپ وتىردى. اللانىڭ كەشكى كورسەتىلىمدە كورسەتكەن كويلەكتەرى ەرتەسىنە ءسان ۇلگىسىن شىعارۋشىلارى مەن كەربەزدىكتىڭ ۇلگىسى بولعان مارلەن ديتريح، ەديت پياف سياقتى بەلگىلى حانىمدارعا جونەلتىلىپ وتىردى.
20 – جىل بويى كۋتيۋرەنىڭ باستى مۋزاسى بولىپ قالۋ وزگەلەردەي ەمەس، اللانىڭ قولىنان كەلدى. ديوردىڭ ءىزباسارى يۆ سەن لوراندا وسىنداي پىكىردە بولىپ، اللامەن ديوردىڭ ولىمىنەن كەيىن كەلەسى 10 جىلدا ىنتىماقتاستىقتى جالعاستىردى.
بۇل جاي عانا شىعارما ەمەس، پاريجدە ءوز قابىلەتى مەن دارىنىن تابىستى تانىتا بىلگەن وتانداسىمىزدىڭ وقيعاسى تۋرالى ءبۇتىن ءبىر ءداۋىر. اتالمىش تۋىندىنىڭ وتانداسىمىزدىڭ قولىنا ءتيىپ، «اللا ءيلچۋننىڭ» تۋعان وتانىنا قايتارىلۋى قازاقستاندىقتار ءۇشىن ماڭىزدى وقيعا بولىپ تابىلادى.
اقبوتا يسلامبەك،
"ايقىن" گازەتى
