بۇل تۋرالى بۇگىن ءماجىلىس وتىرىسىندا «اق جول» پارتياسى فراكتسياسىنىڭ دەپۋتاتتىق ساۋالىن سەرىك ەرۋباەۆ مالىمدەدى.
قر باس پروكۋرورىنا
قر ەكولوگيا, گەولوگيا جانە تابيعي رەسۋرستار مينيسترىنە
كاسپي تەڭىزىنىڭ جاعالاۋىنداعى اتىراۋ جانە ماڭعىستاۋ وبلىسى سايلاۋشىلارمەن كەزدەسكەندە، سول ءوڭىردىڭ بالىقشى قاۋىمداستىعىنىڭ ميلليونداعان ايىپپۇل تولەپ، ءتىپتى كەيبىرەۋلەرى سوتتالىپ، تۇرمەگە قامالعان ازاماتتار مەن ولاردىڭ وتباسىلارىنىڭ جان-ايقايىن كوردىك. وعان سەبەپ قازاقستان رەسپۋبليكاسىنىڭ قىلمىستىق كودەكستىڭ 335, 339 باپتارىنىڭ وتە قاتاڭدىعى. مىسال رەتىندە، ۇيلەنگەنىنە ەكى اي بولعان قاراقيا اۋدانىنىڭ تۇرعىنى نۇربەك دەگەن ازاماتقا ءوءزىنىڭ اۆتوكولىگىمەن بالىقشىلاردىڭ بالىعىن اپارىپ بەرۋگە جالدانعانى ءۇشىن 339-شى باپپەن بەس جىلعا سوتتالىپ، مۇلكى تاركىلەنىپ، 145 ملن. 290 مىڭ تەڭگە ايىپپۇل سالىنعان.
قازاقستان رەسپۋبليكاسى مينيسترلەر كابينەتىنىڭ 1994 جىلعى 22 جەلتوقسانداعى قاۋلىسىمەن، بالىق اۋلاۋ مەن ءوندىرۋ وبەكتىسى بولىپ تابىلاتىن، وتە سيرەك جانە جويىلىپ كەتۋ شەگىندە تۇرعان سۋ جاندىكتەرى تۇرلەرىنىڭ تىزبەسى بەكىتىلگەن بولاتىن. قازىرگى كەزدە بۇل تىزبە ۇكىمەتىنىڭ 2006 جىلعى 31 قازانداعى №1034 قاۋلىسىمەن بەكىتىلگەن. وسى تىزبەدەگى فاۋنا تۇرلەرىءنىڭ ءبىرى
كۇتىم بالىعى قازاقستاننىڭ قىزىل كىتابىنا ەنگىزىلگەن. بارشاعا «ۆوبلا» دەگەن اتاۋمەن بەلگىلى كاسپي تورتا بالىعىن اۋلاعان كەزدە اراسىندا كۇتىم بالىعى دا كەزدەسەدى. ءبىر توپقا جاتاتىندىقتان، ولاردىڭ ايىرماشىلىقتارى دا شامالى.
بىراق، تەك ءبىر كيلوگرامم كۇتىم ءۇشىن بۇزۋشىعا 900 000 تەڭگەدەنارتىق ايىپپۇل سالىنادى، ەگەر ول تەڭىزدىڭ ەرەكشە قورعالاتىن تابيعي اۋماعىندا ۇستالسا، ايىپپۇل سوماسى 2 ملن. 625 مىڭ تەڭگە جانە 12 جىلعا دەيىن باس بوستاندىعىنان ايىرىلىپ، مۇلكى تاركىلەنەدى!
كۇتىم بالىعى رەسەيدىڭ قىزىل كىتابىنان 2004 جىلى الىنىپ تاستالعان. سونىمەن قاتار، ازەربايجان، يران بازارلارىندا دابۇل بالىق ەركىن ساتىلۋدا.
ال، ءبىزدىڭ وكىلەتتى ورگانداردىڭ ارەكەتسىزدىگىنەن، بالىق اۋلاۋمەن كۇنىن كورىپ وتىرعان جەرگىلىكتى حالىق قىلمىستىق كودەكستىڭ قارماعىنا تۇسۋدە.
قۇقىقتىق ستاتيستيكاعا جۇگىنسەك، تەك اتىراۋدا 2021 جىلى 89 ءىس قوزعالىپ، 50 ادام جاۋاپكەرشىلىككە تارتىلىپ، سونىڭ ىشىندە 335-بابىمەن 21 ادام، 339-بابىمەن 29 ادام سوتتالعان. 2022 جىلدىڭ بەس ايى ىشىندە 15 ادام سوتتالىپ كەتكەن. ماڭعىستاۋدا دا بۇل كورسەتكىش ءماز ەمەس. بۇل باپتار بويىنشا جازا 3 مىڭ ەسەپتىك كورسەتكىشتەن باستاپ، 12 جىلعا دەيىن تۇرمەنى قاراستىرىپ، مۇلكى تاركىلەنەدى.
ادام ولتىرسە دە، كەيبىر جاعدايلاردا بۇنداي قاتاڭ جازا تاعايىندالمايدى. ال، جەرگىلىكتى تۇرعىنداردىڭ جالعىز كۇنكورىس كوزى بولىپ وتىرعان بالىق اۋلاۋ كاسىبى، قوعامعا قانشالىقتىقاۋىپءتى? ولاردىڭ كەلتىرگەن زيانى تابيعاتقا نەشە ءتۇرلى وندىرىستەردەن تۇسەتىن زالالدان الدەقايدا از. بالىق اۋلاپ، جانۇياسىن اسىراعان بالىقشىلاردىڭ بايىپ كەتكەنى جوق.
سوندىقتان، قاراپايىم بالىقشىلارعا وسىنشاما قاتاڭ جازا تاعايىنداۋ، شامادان تىس دەپ ەسەپتەيمىز. جۇيەلى تۇردە براكونەرلىك ماقساتپەن بالىق اۋلاعان ازاماتتاردىجاۋاپكەرشىلىككە تارتپاۋ كەرەك دەپ وتىرعان جوقپىز. بىراق, بۇل تىزبەدە كەزدەيسوق بالىقشىلاردى! جانۇياسىنان ايىرماي، كەلتىرىلگەن زالالعا پارا-پار ايىپپۇل سالۋ جولىمەن عانا شەكتەلۋ كەرەك دەپ سانايمىز.
وسىعان بايلانىستى, كۇتىم بالىعىنىڭ پوپۋلياتسياسىنىڭ قالپىنا كەلۋىن, جانە بالىق ءۇشىن سوتتالعان ازاماتتاردىڭ قورشاعان ورتاعا قاءۋىپسىز ەكەندىگىن ەسكەرە وتىرىپ،
«اق جول» فراكتسياسى:
1) كۇتىم بالىعىن سيرەك كەزدەسەتىن جانە قۇرىپ كەتۋ قاۋپى تونگەن تۇرلەردءىڭ تىزبەسىنەن الىپ تاستاپ، وندىرىستىك اۋلاۋعا ەنگىزۋدىقاراستىرۋدى;
2) ەلىمىزدە, بالىق تۇرلەرىن اۋلاعانى ءۇشىن سوتتالعان ازاماتتاردىڭ جازاسىن زاڭناما شەڭبەرىندە بارىنشا جەڭىلدەتۋ ماسەلەسىن قاراپ، سايكەس ايىپپۇلعا اۋىستىرۋدى سۇرايدى.
قۇرمەتپەن،
«اق جول» فراكتسياسىنىڭ دەپۋتاتتارى
