«قازمۇنايگاز» ۇك اق باسقارما توراعاسى ماعزۇم مىرزاعاليەۆ جۇمىس ساپارىمەن اتىراۋ وبلىسىندا سالىنىپ جاتقانپوليپروپيلەن وندىرەتىن بىرىككەن گاز-حيميا كەشەنىنە باردى.
م. مىرزاعاليەۆ كەشەندى پايدالانۋعا بەرۋ بويىنشا دايىندىق جۇمىستارىمەن تانىسىپ، نەگىزگى نىسانداردى ارالادى. اتاپ ايتقاندا، پروپاندى ساقتاۋ پاركىن، پروپاندى دەگيدرلەۋ جانە پروپيلەندى پوليمەرلەۋ قوندىرعىلارىن، دايىن ءونىمدى ساقتاۋ قويماسىن، ورتالىق زاۋىت زەرتحاناسىن جانە ورتالىقتاندىرىلعان وپەراتورلار زالىن ارالاپ شىقتى.
ۇلتتىق كومپانيا باسشىسى جوبانى ىسكە اسىرۋدا ەداۋىر جۇمىس اتقارىلعانىن اتاپ ءوتتى.
«بىرىككەن گاز حيميا كەشەنىن سالۋ جوباسى مەملەكەت باسشىسى مەن ءۇكىمەتتىڭ ەرەكشە باقىلاۋىندا، سونداي-اق قوعامنىڭ دا ءجىتى نازارىندا»، - دەدى «KPI Inc.» جشس-دە وتكەن جۇمىس بابىنداعى جيىندا م.مىرزاعاليەۆ.
قازىرگى تاڭدا جوبا جۇمىسى 99,20 پايىزعا ورىندالىپ وتىر. كەشەن اۋماعىندا نەگىزگى قۇرىلىس جۇمىستارى اياقتالدى، اۋماقتى اباتتاندىرۋ جۇمىستارى جۇرگىزىلۋدە.
جىلىنا 500 مىڭ توننا ءونىم وندىرەتىن كەشەن «قازمۇنايگاز» ۇلتتىق كومپانياسىنىڭ ەلەۋلى جوباسىنا اينالىپ، كومىرسۋتەكتەردىڭ ودان دا تەرەڭ وڭدەلۋىن جۇزەگە اسىرۋعا مۇمكىندىك بەرەدى. جوبا وپەراتورى – «KPI Inc.»جشس.
بۇدان بولەك، م. مىرزاعاليەۆ ساپار بارىسىندا اتىراۋ مۇناي وڭدەۋ زاۋىتىنا ء(اموز) باردى. ءاموز باسشىلىعى «Tazalyq» جوباسىن جۇزەگە اسىرۋدىڭ قازىرگى كورسەتكىشتەرى تۋرالى باياندادى. اتالمىش جوبا زاۋىتتىڭ اعىندى سۋلارىن تازارتۋ قوندىرعىلارىنىڭ مودەرنيزاتسياسىن، سونداي-اق اۋدانى 860 گەكتار بۋلانۋ القاپتارىن قالپىنا كەلتىرۋدى كوزدەيءدى. قمگ باسقارما توراعاسىنا تازارتۋ قوندىرعىلارىن سالۋ بويىنشا العاشقى كەزەڭنىڭ قۇرىلىس-مونتاجداۋ جۇمىستارىنىڭ 73%-ى ورىندالعانى تۋرالى ايتىلدى. جوبا 2023 جىلدىڭ جەلتوقسانىندا تولىق اياقتالادى دەپ جوسپارلانىپ وتىر.
جۇمىس ساپارى «ەمبىمۇنايگاز» اق (ەمگ)كەڭسەسىندەگى جيىنمەن اياقتالدى. ەءمبى باسشىلىعى قمگ توراعاسىنا «ينتەللەكتۋالدى كەن ورنى» جۇيەسىن ءوز ءوندىرىس ورىندارىندا ەنگىزۋدىڭ ناتيجەلەرىن تانىستىردى. جوبا ءوندىرىس نىساندارىندا تەحنولوگيالىق پروتسەستەرگە شۇعىل مونيتورينگءتى ىسكە اسىرۋعا مۇمكىندىك بەرەدى ء(وندىرىستى باسقارۋ، كولىكتەرگە مونيتورينگ جۇرگىزۋ، ارنايى تەحنيكانى پايدالانۋ جانە ت.ب.).
