«QazMunaıGaz» UK AQ Basqarma tóraǵasy Maǵzum Myrzaǵalıev jumys saparymen Atyraý oblysynda salynyp jatqanpolıpropılen óndiretin birikken gaz-hımııa keshenine bardy.
M. Myrzaǵalıev keshendi paıdalanýǵa berý boıynsha daıyndyq jumystarymen tanysyp, negizgi nysandardy aralady. Atap aıtqanda, propandy saqtaý parkin, propandy degıdrleý jáne propılendi polımerleý qondyrǵylaryn, daıyn ónimdi saqtaý qoımasyn, ortalyq zaýyt zerthanasyn jáne ortalyqtandyrylǵan operatorlar zalyn aralap shyqty.
Ulttyq kompanııa basshysy jobany iske asyrýda edáýir jumys atqarylǵanyn atap ótti.
«Birikken gaz hımııa keshenin salý jobasy Memleket basshysy men Úkimettiń erekshe baqylaýynda, sondaı-aq qoǵamnyń da jiti nazarynda», - dedi «KPI Inc.» JShS-de ótken jumys babyndaǵy jıynda M.Myrzaǵalıev.
Qazirgi tańda joba jumysy 99,20 paıyzǵa oryndalyp otyr. Keshen aýmaǵynda negizgi qurylys jumystary aıaqtaldy, aýmaqty abattandyrý jumystary júrgizilýde.
Jylyna 500 myń tonna ónim óndiretin keshen «QazMunaıGaz» ulttyq kompanııasynyń eleýli jobasyna aınalyp, kómirsýtekterdiń odan da tereń óńdelýin júzege asyrýǵa múmkindik beredi. Joba operatory – «KPI Inc.»JShS.
Budan bólek, M. Myrzaǵalıev sapar barysynda Atyraý munaı óńdeý zaýytyna (AMÓZ) bardy. AMÓZ basshylyǵy «Tazalyq» jobasyn júzege asyrýdyń qazirgi kórsetkishteri týraly baıandady. Atalmysh joba zaýyttyń aǵyndy sýlaryn tazartý qondyrǵylarynyń modernızaııasyn, sondaı-aq aýdany 860 gektar býlaný alqaptaryn qalpyna keltirýdi kózdeıdi. QMG Basqarma tóraǵasyna tazartý qondyrǵylaryn salý boıynsha alǵashqy kezeńniń qurylys-montajdaý jumystarynyń 73%-y oryndalǵany týraly aıtyldy. Joba 2023 jyldyń jeltoqsanynda tolyq aıaqtalady dep josparlanyp otyr.
Jumys sapary «Embimunaıgaz» AQ (EMG)keńsesindegi jıynmen aıaqtaldy. Embi basshylyǵy QMG tóraǵasyna «Intellektýaldy ken orny» júıesin óz óndiris oryndarynda engizýdiń nátıjelerin tanystyrdy. Joba óndiris nysandarynda tehnologııalyq proesterge shuǵyl monıtorıngti iske asyrýǵa múmkindik beredi (óndiristi basqarý, kólikterge monıtorıng júrgizý, arnaıy tehnıkany paıdalaný jáne t.b.).
