QazaqGaz (بۇرىنعى قازترانسگاز) باسقارما توراعاسى سانجار جاركەشوۆ ۇلتتىق كومپانيادا تەكسەرىس كەزىندە انىقتالعان زاڭبۇزۋشىلىقتار تۋرالى ايتتى. ونىڭ سوزىنشە، QazaqGaz كومپانياسىنىڭ قىزمەتىنە تولىق تەكسەرىس جۇرگىزىلگەن، دەپ حابارلايدى “ادىرنا” ۇلتتىق پورتالى.
"بۇگىندە 937 ميلليارد تەڭگەدەن اسا سوماعا دەلدالدىق سحەمالار مەن قارجىلىق زاڭبۇزۋشىلىقتار انىقتالدى، ونىڭ ىشىندە قۇقىق قورعاۋ ورگاندارى 123 ميلليارد تەڭگەنىڭ زاڭبۇزۋشىلىقتارىن انىقتادى", – دەدى جاركەشوۆ ماجىلىستە وتكەن ۇكىمەت ساعاتىندا.
ايتا كەتەيىك، 2022 جىلدىڭ قاڭتارىندا داريعا نازارباەۆانىڭ كۇيەۋى قايرات شارىپباەۆ QazaqGaz كومپانياسىنىڭ توراعاسى قىزمەتىنەن كەتكەن ەدى.
“ادىرنا” ۇلتتىق پورتالى
