ءۇش اعايىندى جىگىت اعاسىن ۇرىپ ولتىرگەن

2294
Adyrna.kz Telegram
فوتو: اشىق دەرەككوز
فوتو: اشىق دەرەككوز

الماتى وبلىسىندا وتباسىلىق جانجال كەزىندە اعاسىن بالعامەن ۇرىپ ولتىرگەن ءۇش جىگىت ۇستالدى، دەپ حابارلايدى «ادىرنا» ۇلتتىق پورتالى.

وبلىستىق پوليتسيا دەپارتامەنتىنىڭ ءباسپاسوز قىزمەتى 1 ماۋسىمدا ەڭبەكشىقازاق اۋدانىنداعى لەپكا كولىندە كۇش قولدانۋ ارقىلى ءولىمنىڭ انىق بەلگىلەرى بار بەلگىسىز ەر ادامنىڭ ءمايىتىن تاپقانىن حابارلادى. ونىڭ دەنەسى كورپەگە ورالعان، قولدارى جىپپەن بايلانعان.

پوليتسەيلەر جابىرلەنۋشىنىڭ تۇزدىباستاۋ اۋىلىنىڭ اناسى مەن ىنىسىمەن بىرگە تۇراتىن 39 جاستاعى تۇرعىنى ەكەنىن انىقتادى.

بەلگىلى بولعانداي، ەر ادام ىشىمدىك ءىشىپ، ءجيى وتباسىلىق جانجال شىعارعان، سول ءۇشىن بىرنەشە رەت جاۋاپقا تارتىلعان. ءتارتىپ ساقشىلارى كىسى ءولتىردى دەگەن كۇدىكپەن جابىرلەنۋشىنىڭ ءۇش تۋىسىن ۇستادى.

ولار بالعا مەن كۇرەكتىڭ سابىن قولدانىپ، ءتورتىنشىسىن ولتىرگەنشە ۇرىپ-سوققان. كەيىن ءمايىتتى كورشى اۋدانعا اپارىپ، جاعالاۋداعى كولدىڭ باتپاعىنا لاقتىرىپ جىبەرگەن.

«ادىرنا» ۇلتتىق پورتالى.

پىكىرلەر