تۇركيانىڭ حالىقارالىق اتاۋى وزگەردى. بۇل تۋرالى ەلدىڭ ءسىم باسشىسى مەۆليۋت چاۆۋشوگلۋ ايتتى، دەپ حابارلايدى «ادىرنا» ءتىلشىسى.
تۇركيا بۇۇ-عا ەلدىڭ اتىن شەت تىلدەرىندە جازۋدى وزگەرتۋ تۋرالى رەسمي ءوتىنىش بەرگەن. ديپلومات بۇل جاڭاشىلدىق انكارانىڭ حالىقارالىق ارەناداعى بەدەلىن ارتتىرۋعا باعىتتالعان قادامدارى اياسىندا قابىلدانعانىن اتاپ ءوتتى.
«پرەزيدەنت رەجەپ تايىپ ەردوعاننىڭ باسشىلىعىمەن ءبىزدىڭ مەملەكەتتىڭ برەند بەدەلىن كوتەرۋ ءۇشىن باستالعان پروتسەسس اياقتالۋعا جاقىن. بۇگىن بۇۇ باس حاتشىسىنىڭ اتىنا جولداعان حاتىم بويىنشا، ەلىمىزدىڭ اتىن بۇۇ-دا شەت تىلدەرىندە Türkiye دەپ تىركەيمىز»،– دەدى ول.
