قىزىلوردا وبلىسى شيەلى اۋدانىنىڭ مەكتەبىندە ديرەكتور مەن مۇعالىمدەر اراسىنداعى جانجال ۆيدەوعا ءتۇسىپ قالدى. بۇل تۋرالى جەلى بەلسەندىسى ارداق قازاقبايقىزى Facebook پاراقشاسىنا جاريالادى، دەپ حابارلايدى "ادىرنا" ۇلتتىق پورتالى.
كادردا اۋداندىق مەكتەپ ديرەكتورى مۇعالىمدەردى سىناپ، ولاردىڭ مەكتەپكە قالاي كەلگەندەرىن ەسكە سالدى.
"اۋداندىق ءبىلىم ءبولىمى وبلىستىق ءبىلىم باسقارماسىمەن بىرگە ماسەلەنى قاراستىرىپ جاتىر. ءتيىستى زەردەلەۋ جۇرگىزىلىپ، ماسەلە انىقتالعان سوڭ باسشى مەن ءتيىستى قىزمەتكەرلەر ءىس-ارەكەتىنە قۇقىقتىق تۇرعىدان باعا بەرىلەتىن بولادى", - دەلىنگەن حابارلامادا.
ۆيدەو اۆتورى ارداق قازاقبايقىزى ديرەكتوردىڭ وسى ورىندا 10 جىلدان اسا ۋاقىت بويى قىزمەت ەتىپ كەلە جاتقانىن جازعان.
"بۇل سۇمدىق تيران ديرەكتورعا 10 جىلدان بەرى ءتوزىپ كەلە جاتقان مۇعالىمدەرگە مەدال تاعۋ كەرەك شىعار", - دەيدى ول.
"ادىرنا" ۇلتتىق پورتالى
