كەشە عانا قر اۋىل شارۋاشىلىعى مينيسترلىگى ەلدە قانت تاپشىلىعى دەپ ەدى. الايدا بىرنەشە كۇننەن بەرى ەلىمىزدىڭ بىرقاتار وبلىستارىندا حالىق قانتقا تالاسىپ، ايقاي-شۋ شىعارىپ جاتىپ، دەپ حابارلايدى "ادىرنا" ۇلتتىق پورتالى.
t.me/orda_kz تەلەگرامم كانالىنىڭ جازۋىنشا، قاراعاندىلىقتار دا دۇكەندەردە قانتتىڭ جوقتىعىن ايتىپ شاعىمدانۋدا. ولار قانت بار دەگەن شەنەۋنىكتەرگە: "قايدا؟" دەپ سۇراۋ جاساپ جاتىر. ءتىپتى جۋرناليست سەرگەي تەرەششەنكو اكىمدەرگە ولاردىڭ وسىنشاما "سوقىرلىعىن" ايتىپ، وزدەرىن ەمدەۋدى ۇسىنعان.
"مەن اكىمدەردى "سوقىرلىقتان" ايىقتىرۋعا شاقىرامىن جانە سوڭىندا بىزگە ولاردان باسقا ەشكىم كورمەيتىن قانتتى كورسەتەمىن. ولاردىڭ وتىرىكتەرىنەن جالىقتىق!", - دەپ جازىپ، سەرىكتەس قالالاردا دا ءتاتتىنىڭ جوق ەكەنىن اتاپ ءوتتى.
ماسەلەن، شاحتينسك قالاسىندا جانە وعان جاقىن ورنالاسقان اۋىلداردا تۇرعىندار بىرنەشە كۇننەن بەرى قانت جوق ەكەنىن ايتادى. ال ەگەر بار بولسا، ولاردىڭ باعاسى اسپانداپ تۇر.
"مۇنى جاساپ وتىرعان دۇكەندەر مەن سۋپەرماركەتتەردىڭ قوجايىندارى ما، الدە تۇيىرشىكتەلگەن قانت جەتكىزىپ بەرەتىندەر مە؟ بۇگىن مەن قالامىزداعى بارلىق دۇكەندەرگە باردىم جانە ولار ماعان قاشان ساتىلىمعا شىعاتىنىن بىلمەيمىز دەپ جاۋاپ بەردى. جۇرت قانت بار دەگەن شەنەۋنىكتەردىڭ وتىرىك ايتۋىنان شارشادى،" - دەپ اشىنادى تۇرعىندار.
ايتا كەتۋ كەرەك، كەشە ورالدا دا حالىق قانتتىڭ تاپشىلىعى بار ەكەندىگىن ايتىپ، ايقاي-شۋ شىعارعان بولاتىن. سونداي-اق قازىر اقتوبە وبلىسىنداعى ءىرى ساۋدا جەلىلەرىندە دە قانتتىڭ جوقتىعى بەلگىلى بولدى.
"ادىرنا" ۇلتتىق پورتالى
