Keşe ǧana QR Auyl şaruaşylyǧy ministrlıgı elde qant tapşylyǧy dep edı. Alaida bırneşe künnen berı elımızdıŋ bırqatar oblystarynda halyq qantqa talasyp, aiqai-şu şyǧaryp jatyp, dep habarlaidy "Adyrna" ūlttyq portaly.
t.me/orda_kz telegramm kanalynyŋ jazuynşa, qaraǧandylyqtar da dükenderde qanttyŋ joqtyǧyn aityp şaǧymdanuda. Olar qant bar degen şeneunıkterge: "Qaida?" dep sūrau jasap jatyr. Tıptı jurnalist Sergei Tereşenko äkımderge olardyŋ osynşama "soqyrlyǧyn" aityp, özderın emdeudı ūsynǧan.
"Men äkımderdı "soqyrlyqtan" aiyqtyruǧa şaqyramyn jäne soŋynda bızge olardan basqa eşkım körmeitın qantty körsetemın. Olardyŋ ötırıkterınen jalyqtyq!", - dep jazyp, serıktes qalalarda da tättınıŋ joq ekenın atap öttı.Mäselen, Şahtinsk qalasynda jäne oǧan jaqyn ornalasqan auyldarda tūrǧyndar bırneşe künnen berı qant joq ekenın aitady. Al eger bar bolsa, olardyŋ baǧasy aspandap tūr.
"Mūny jasap otyrǧan dükender men supermarketterdıŋ qojaiyndary ma, älde tüiırşıktelgen qant jetkızıp beretınder me? Bügın men qalamyzdaǧy barlyq dükenderge bardym jäne olar maǧan qaşan satylymǧa şyǧatynyn bılmeimız dep jauap berdı. Jūrt qant bar degen şeneunıkterdıŋ ötırık aituynan şarşady," - dep aşynady tūrǧyndar.Aita ketu kerek, keşe Oralda da halyq qanttyŋ tapşylyǧy bar ekendıgın aityp, aiqai-şu şyǧarǧan bolatyn. Sondai-aq qazır Aqtöbe oblysyndaǧy ırı sauda jelılerınde de qanttyŋ joqtyǧy belgılı boldy.
"Adyrna" ūlttyq portaly
