Keshe ǵana QR Aýyl sharýashylyǵy mınıstrligi elde qant tapshylyǵy dep edi. Alaıda birneshe kúnnen beri elimizdiń birqatar oblystarynda halyq qantqa talasyp, aıqaı-shý shyǵaryp jatyp, dep habarlaıdy "Adyrna" ulttyq portaly.
t.me/orda_kz telegramm kanalynyń jazýynsha, qaraǵandylyqtar da dúkenderde qanttyń joqtyǵyn aıtyp shaǵymdanýda. Olar qant bar degen sheneýnikterge: "Qaıda?" dep suraý jasap jatyr. Tipti jýrnalıst Sergeı Tereenko ákimderge olardyń osynshama "soqyrlyǵyn" aıtyp, ózderin emdeýdi usynǵan.
"Men ákimderdi "soqyrlyqtan" aıyqtyrýǵa shaqyramyn jáne sońynda bizge olardan basqa eshkim kórmeıtin qantty kórsetemin. Olardyń ótirikterinen jalyqtyq!", - dep jazyp, seriktes qalalarda da táttiniń joq ekenin atap ótti.
Máselen, Shahtınsk qalasynda jáne oǵan jaqyn ornalasqan aýyldarda turǵyndar birneshe kúnnen beri qant joq ekenin aıtady. Al eger bar bolsa, olardyń baǵasy aspandap tur.
"Muny jasap otyrǵan dúkender men sýpermarketterdiń qojaıyndary ma, álde túıirshiktelgen qant jetkizip beretinder me? Búgin men qalamyzdaǵy barlyq dúkenderge bardym jáne olar maǵan qashan satylymǵa shyǵatynyn bilmeımiz dep jaýap berdi. Jurt qant bar degen sheneýnikterdiń ótirik aıtýynan sharshady," - dep ashynady turǵyndar.
Aıta ketý kerek, keshe Oralda da halyq qanttyń tapshylyǵy bar ekendigin aıtyp, aıqaı-shý shyǵarǵan bolatyn. Sondaı-aq qazir Aqtóbe oblysyndaǵy iri saýda jelilerinde de qanttyń joqtyǵy belgili boldy.
"Adyrna" ulttyq portaly
