قازاقستاندىق ديپلوماتتار توميريس بايسافانىڭ قايتىس بولۋىنا قاتىستى ءىستىڭ تەرگەلۋ بارىسىن ءجىتى قاداعالاۋدا. قازاقستاننىڭ رەسەيدەگى ەلشىسى يمانعالي تاسماعامبەتوۆ بۇل ىسكە تىكەلەي ارالاستى.
بۇل تۋرالى «قازاق ءۇنى» پورتالى كتك-عا سىلتەمە جاساپ حابارلايدى.
قازىرگى ۋاقىتتا ءىس اسا ماڭىزدى ساناتقا جاتقىزىلعان.
مامىردىڭ 18 كۇنى تاسماعامبەتوۆ رەسەيدىڭ تەرگەۋ كوميتەتىنىڭ ءبىرىنشى باسشىلارىمەن جەكە كەزدەسىپ، بۇل ءىستىڭ اشىق ءارى ءادىل ءجۇرۋىن تالاپ ەتتى.
قازاقستان ەلشىلىگىنىڭ ءباسپاسوز قىزمەتى تاراتقان مالىمەتكە سۇيەنسەك، رەسەيلىك تاراپ تا ءىستىڭ ءادىل وتۋىنە تولىقتاي قۇلىق تانىتۋدا.
ەستەڭىزگە سالا كەتسەك، توميريس ماسكەۋدەگى حالىقارالىق قاتىناستار ينستيتۋتىنىڭ ءتورتىنشى قاباتىنداعى تەرەزەسىنەن قۇلاپ كەتىپ، قازا تاپقان ەدى.
«قازاق ءۇنى» پورتالى
