مەملەكەت باسشىسى قاسىم-جومارت توقاەۆ 5 ماۋسىمدا ەلىمىزدە وتە ماڭىزدى ءارى تاريحي ءىس-شارا وتەتىنىن ايتتى، دەپ حابارلايدى «ادىرنا» ءتىلشىسى.
«بۇل – كونستيتۋتسيامىزعا وزگەرىستەر ەنگىزۋگە ارنالعان جالپىحالىقتىق رەفەرەندۋم. قازاق حالقى ءوز تاريحىنداعى شەشۋشى كەزەڭگە كەلدى دەپ ايتساق ارتىق بولمايدى.
جاڭا قازاقستان، ياعني ەكىنشى رەسپۋبليكا – بۇل شىن مانىندەگى دەموكراتيالىق قوعام دەگەن ءسوز. پرەزيدەنتتىك جۇيە ساقتالعانىمەن، پارلامەنتتىڭ ءرولى جانە ىقپالى ەداۋىر كۇشەيتىلەدى. حالقىمىزدىڭ ءۇنى جانە پىكىرى انىق ەستىلەتىن بولادى.
مەن پرەزيدەنت رەتىندە وسى قۇقىقتىق رەفورمادان ەشقانداي ارتىقشىلىققا يا جەڭىلدىككە يە بولمايمىن. ماقساتىم – بۇكىل قوعامدا وڭ وزگەرىستەر جاساۋ، حالقىمىزعا جارقىن بولاشاقتىڭ جولىن اشىپ بەرۋ»،— دەدى پرەزيدەنت.
«ادىرنا» ۇلتتىق پورتالى
