Memleket basşysy Qasym-Jomart Toqaev 5 mausymda elımızde öte maŋyzdy ärı tarihi ıs-şara ötetının aitty, dep habarlaidy «Adyrna» tılşısı.
«Būl – Konstitusiiamyzǧa özgerıster engızuge arnalǧan jalpyhalyqtyq referendum. Qazaq halqy öz tarihyndaǧy şeşuşı kezeŋge keldı dep aitsaq artyq bolmaidy. Jaŋa Qazaqstan, iaǧni Ekınşı Respublika – būl şyn mänındegı demokratiialyq qoǧam degen söz. Prezidenttık jüie saqtalǧanymen, Parlamenttıŋ rölı jäne yqpaly edäuır küşeitıledı. Halqymyzdyŋ ünı jäne pıkırı anyq estıletın bolady. Men Prezident retınde osy qūqyqtyq reformadan eşqandai artyqşylyqqa ia jeŋıldıkke ie bolmaimyn. Maqsatym – bükıl qoǧamda oŋ özgerıster jasau, halqymyzǧa jarqyn bolaşaqtyŋ jolyn aşyp beru»,— dedı Prezident.
«Adyrna» ūlttyq portaly
