قىزىلوردالىق تازالىقشىلار اۆتوبۋستاردا تەگىن جۇرەتىن بولدى

1488
Adyrna.kz Telegram
فوتو. اشىق دەرەككوز
فوتو. اشىق دەرەككوز

بۇگىن قىزىلوردا وبلىسى اكىمى نۇرلىبەك نالىباەۆتىڭ تۇرعىنداردى جەكە ماسەلەلەرى بويىنشا قابىلداۋىنا كەلگەن "قىزىلوردا تازالىعى" كمم-ءنىڭ جۇمىسشىسى گۇلايىم قارعاباەۆا 18 جىلدان بەرى وسى قىزمەتتى اتقارا ءجۇرىپ، قوعامدىق كولىكتە ءجيى قاتىنايتىنىن جانە بۇل قالتاعا اجەپتەۋىر سالماق سالاتىنىن ايتىپ، ايماق باسشىسىنان كومەك سۇرادى، دەپ حابارلايدى "ادىرنا" ۇلتتىق پورتالى.

وبلىس اكىمىنىڭ ءباسپاسوز قىزمەتىنىڭ حابارلاۋىنشا ن.نالىباەۆ "قىزىلوردا تازالىعى" مەكەمەسىنىڭ جۇمىسشىلارىنىڭ ەڭبەگى اسا جاۋاپتى ءارى قيىن ەكەنىن العا تارتىپ، قالا اكىمى اسىلبەك شامەنوۆكە 1 ماۋسىمنان باستاپ قوعامدىق كولىكتە تازالىقشىلار ءۇشىن تەگىن ءجۇرۋ بيلەتىن ەنگىزۋ قاجەتتىگىن تاپسىردى.

- كۇننىڭ ىستىق، سۋىعىنا قاراماستان ادال ەڭبەك ەتىپ، قالانىڭ تازالىعىن ساقتاپ جۇرگەن «قىزىلوردا تازالىعى» جشس جۇمىسشىلارىنا قۇرمەتىمىز ەرەكشە بولۋى ءتيىس. تاڭنىڭ اتىسى مەن كەشتىڭ باتىسىنا دەيىن كوشە ارالاپ جۇرەتىن ازاماتتارعا بارىنشا قولداۋ كورسەتىلۋى قاجەت. سول سەبەپتى، 1 ماۋسىمنان باستاپ بۇل مەكەمەنىڭ بارلىق قىزمەتكەرلەرىنىڭ قوعامدىق كولىكتە تەگىن ءجۇرۋىن ۇيىمداستىرۋ كەرەك، - دەدى ن.نالىباەۆ.

مىنا سىلتەمە ارقىلى t.me/adyrnaportal ۆيدەوسىن كورۋىڭىزگە بولادى.

 

"ادىرنا" ۇلتتىق پورتالى.

پىكىرلەر