Bügın Qyzylorda oblysy äkımı Nūrlybek Nälıbaevtyŋ tūrǧyndardy jeke mäselelerı boiynşa qabyldauyna kelgen "Qyzylorda tazalyǧy" KMM-nıŋ jūmysşysy Gülaiym Qarǧabaeva 18 jyldan berı osy qyzmettı atqara jürıp, qoǧamdyq kölıkte jiı qatynaitynyn jäne būl qaltaǧa äjepteuır salmaq salatynyn aityp, aimaq basşysynan kömek sūrady, dep habarlaidy "Adyrna" ūlttyq portaly.
Oblys äkımınıŋ baspasöz qyzmetınıŋ habarlauynşa N.Nälıbaev "Qyzylorda tazalyǧy" mekemesınıŋ jūmysşylarynyŋ eŋbegı asa jauapty ärı qiyn ekenın alǧa tartyp, qala äkımı Asylbek Şämenovke 1 mausymnan bastap qoǧamdyq kölıkte tazalyqşylar üşın tegın jüru biletın engızu qajettıgın tapsyrdy.- Künnıŋ ystyq, suyǧyna qaramastan adal eŋbek etıp, qalanyŋ tazalyǧyn saqtap jürgen «Qyzylorda Tazalyǧy» JŞS jūmysşylaryna qūrmetımız erekşe boluy tiıs. Taŋnyŋ atysy men keştıŋ batysyna deiın köşe aralap jüretın azamattarǧa barynşa qoldau körsetıluı qajet. Sol sebeptı, 1 mausymnan bastap būl mekemenıŋ barlyq qyzmetkerlerınıŋ qoǧamdyq kölıkte tegın jüruın ūiymdastyru kerek, - dedı N.Nälıbaev. Myna sılteme arqyly t.me/adyrnaportal videosyn köruıŋızge bolady.
"Adyrna" ūlttyq portaly.
