سىبايلاس جەمقورلىققا قارسى ءىس-قيمىل اگەنتتىگى پوليتسيا گەنەرال-مايورىن جەمقورلىق بويىنشا كۇدىكتى دەپ تانىدى، دەپ حابارلايدى «ادىرنا» ءتىلشىسى.
«23 مامىردا انتيكوررۋپتسيالىق قىزمەت 10.07.1963 جىلى تۋعان پوليتسيا گەنەرال-مايورى حالىقۇلى جايلاۋبەكتى ۇستادى. 2009-2016 جىلدارى الماتى جانە اقمولا وبلىستارىنىڭ ىشكى ىستەر دەپارتامەنتتەرىن باسقارعان. ول سوڭعى قىلمىستىق ءىستى توقتاتقانى ءۇشىن «ك» ازاماتىنان الداۋ ارقىلى اقشا مەن مۇلكىن الدى دەپ كۇدىكتەنەدى. سول كۇنى حالىقۇلى ۇستالىپ، الماتى قالاسى پد ۋۇي-عا قاماۋعا الىندى»،— دەلىنگەن حابارلامادا.
تەرگەۋ مۇددەسىندە جانە قر قپك 201-بابىنىڭ تارتىبىندە سوتقا دەيىنگى تەرگەپ-تەكسەرۋدىڭ وزگە دە دەرەكتەرى جاريا ەتۋگە جاتپايدى.
كۇدىكتىگە قاتىستى كىنالىلىك دارەجەسىن انىقتاۋمەن تۇپكىلىكتى شەشىمدى سوت قابىلدايدى.
