ۋكراينا پرەزيدەنتى ۆلاديمير زەلەنسكي پارلامەنتكە پولشا ازاماتتارىنىڭ ەرەكشە مارتەبەسى تۋرالى زاڭ جوباسىن ۇسىنادى، دەپ حابارلايدى "ادىرنا" ۇلتتىق پورتالى.
بۇل تۋرالى حالىق دەپۋتاتى ولگا سوۆگيريا ءوزىنىڭ Telegram-كانالىندا حابارلادى.
"ۋكراينا پرەزيدەنتى جاقىن ارادا پارلامەنتكە ۋكرايناداعى پولياك ازاماتتارىنىڭ ەرەكشە قۇقىقتىق مارتەبەسى تۋرالى زاڭ جوباسىنىڭ ەنگىزىلەتىنىن حابارلادى", – دەلىنگەن حابارلامادا.
جاڭا زاڭ جوباسى مەن پولياكتاردىڭ ارتىقشىلىقتارى تۋرالى باسقا مالىمەتتەر ازىرگە جاريالانعان جوق.
6 مامىردا پولشا پرەزيدەنتى اندجەي دۋدا پولشا مەن ۋكراينا اراسىندا بۇدان بىلاي شەكارا بولمايدى، ەكى ەل حالقى "تاتۋ-ءتاتتى ءومىر سۇرە الادى" دەگەن ءۇمىتىن ءبىلدىردى.
بۇعان دەيىن زەلەنسكي مەن جوعارعى رادا دەپۋتاتتارى پارلامەنتتە ءسوز سويلەۋگە كەلگەن دۋدانى دۋ قول شاپالاقتاپ قارسى العان بولاتىن. ول — رەسەيدىڭ ءوز اۋماعىندا ارنايى اسكەري وپەراتسياسى باستالعاننان بەرى ۋكراينا پارلامەنتىندە ءسوز سويلەگەن شەتەل مەملەكەتىنىڭ ءبىرىنشى باسشىسى.
"ادىرنا" ۇلتتىق پورتالى.
