ۋكراينا پرەزيدەنتى كەڭسەسىنىڭ كەڭەسشىسى، رەسەيمەن كەلىسسوز بويىنشا ۋكراين دەلەگاتسياسىنىڭ مۇشەسى ميحايل پودولياك رەسەي ۋكراينا اۋماعىنان اسكەرىن اكەتپەيىنشە كيەۆ اتىستى توقتاتۋ تۋرالى كەلىسىمگە بارمايتىنىن ايتتى، دەپ حابارلايدى "ادىرنا" ۇلتتىق پورتالى "azattyq.org" سايتىنا سىلتەمە جاساپ.
ونىڭ ايتۋىنشا، رەسەي اسكەرى ۋكراينادان كەتۋگە ءتيىس، تەك سودان كەيىن عانا بەيبىت پروتسەستى قالپىنا كەلتىرۋ مۇمكىن بولادى. ول تالاپتاردىڭ اراسىندا ماسكەۋ اننەكسيالاپ العان قىرىمنىڭ بار-جوعىن ايتپادى.
قىرىم مەن دونباستىڭ ءبىر بولىگى 24 اقپانعا دەيىن دە رەسەيشىل كۇشتەردىڭ قولىندا بولعان. وسىعان دەيىن ۋكراينا باسشىسى ۆلاديمير زەلەنسكي رەسەي اسكەرى 23 اقپان كۇنگى پوزيتسياسىنا ورالسا عانا كەلىسسوزگە باراتىنىن ايتقان. پودولياك سەكىلدى زەلەنسكي دە ماسكەۋگە ۋكراينا تەرريتورياسىن بەرمەيتىنىن ايتقان.
پودولياكتىڭ سوزىنە قاراعاندا، اسكەرىن ەلدەن شىعارماعان رەسەي ءۇزىلىس جاساعان سايىن كۇشىن قالپىنا كەلتىرىپ، بۇرىنعىدان بەتەر ەكپىندى سوققىمەن ورالادى. پرەزيدەنت كەڭەسشىسى كيەۆتىڭ پوزيتسياسى بارعان سايىن "قاتايىپ" بارا جاتقانىن مويىندادى. وسىعان دەيىن رەسەي تارابى بەيبىت كەلىسسوز ءىس جۇزىندە مۇلدە جۇرگىزىلىپ جاتقان جوق دەگەن ەدى.
پودولياك بىرقاتار باتىس ەلدەرىنىڭ اتىستى دەرەۋ توقتاتۋ تۋرالى ۇندەۋىن "اقىلعا قونىمسىز" سانايدى. ميحايل پودولياك رەسەي "اۋىر جەڭىلىسكە ۇشىراۋى ءۇشىن" باتىس ۋكراينانى قولداي بەرۋى ءتيىس دەپ ەسەپتەيدى.
"ادىرنا" ۇلتتىق پورتالى.
