قازاقستان ۇلتتىق بانكى Street art. BATYR BEINESI كوللەكتسيالىق مونەتالارىن اينالىمعا شىعارادى، دەپ حابارلايدى «ادىرنا» ءتىلشىسى.
مونەتالاردىڭ ساتىلىمعا شىعاتىن كۇنىنە قاتىستى قوسىمشا اقپارات قۇب-تىڭ رەسمي سايتىندا جاريالانادى.
«18 مامىردا دارىندى كومپوزيتور جانە ءانشى باتىرحان شۇكەنوۆتىڭ تۋعانىنا 60 جىل تولادى. نومينالى 500 تەڭگەلىك كۇمىستەن جاسالعان Street art. BATYR BEINESI كوللەكتسيالىق مونەتالارى «قازاقستاندى مونەتالار ارقىلى تانى» اتتى جاڭا سەريانى اشادى. Street art. BATYR BEINESI جاڭا مونەتاسى زاماناۋي ونەر مەن باتىرحان شۇكەنوۆتى ماڭگى ەستە قالدىرۋ سەكىلدى بىردەن ەكى ماعىنالىق جەلىنى بىرىكتىرەدى. بۇل – قۇب-تىڭ ستريت-ارت سياقتى قازىرگى زامانعى جاستار ونەرىن قولداۋعا ارنالعان العاشقى كوللابوراتسيالىق مونەتا جوباسى»،– دەلىنگەن حابارلامادا.
