ۇلتتىق مۋزەي باسشىلىعى بيۋدجەت قاراجاتىن جىمقىردى دەگەن كۇدىككە ءىلىندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«نۇر-Cۇلتان قالاسى بويىنشا Cىبايلاس جەمقورلىققا قارسى قىزمەت قر مادەنيەت جانە سپورت مينيسترلىگىنىڭ «قازاقستان رەسپۋبليكاسىنىڭ ۇلتتىق مۋزەيى» رمقك لاۋازىمدى تۇلعالارىنا قاتىستى «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ بويىنشا مەملەكەتتىك ساتىپ الۋ تۋرالى شارت اياسىندا 146 ملن تەڭگە سوماسىندا بيۋدجەت قاراجاتىن جىمقىرۋ بەلگىلەرى بويىنشا سوتقا دەيىنگى تەرگەۋ جۇرگىزۋدە.
شارتتىڭ جالپى سوماسى 1,2 ملرد تەڭگەنى قۇرايدى»،— دەلىنگەن حابارلامادا.
تەرگەۋ سوتىنىڭ سانكتسياسىمەن قازىرگى ۋاقىتتا ءتىنتۋ، سونداي-اق كۋالاردان جاۋاپ الۋ جانە باسقا دا تەرگەۋ ارەكەتتەرى جۇرگىزىلۋدە.
ءىس بويىنشا تۇپكىلىكتى شەشىم قىلمىستىق ءىس جۇرگىزۋ زاڭناماسىنىڭ تالاپتارىن ورىنداۋ ناتيجەلەرى بويىنشا قابىلداناتىن بولادى.
وزگە اقپارات تەرگەۋ مۇددەسىندە جاريا ەتىلمەيدى.
«ادىرنا» ۇلتتىق پورتالى
