ۇلىبريتانيا رەسەي پرەزيدەنتى ۆلاديمير پۋتينگە قارسى سانكتسيالاردىڭ سوڭعى راۋندىن جاريالادى، دەپ حابارلايدى "ادىرنا" ۇلتتىق پورتالى "Tengrinews.kz-"كە ىلتەمە جاساپ.
بۇل تۋرالى ۇكىمەت سايتىندا ۇلىبريتانيانىڭ سىرتقى ىستەر ءمينيسترى ليز تراسس مالىمدەدى.
شەكتەۋلەر رەسەي پرەزيدەنتىنىڭ بۇرىنعى ايەلى ليۋدميلا وچەرەتناياعا، ەكى نەمەرە اعاسى - يگور مەن رومان پۋتيندەرگە جانە باسقا دا تۋىستارى مەن "پرەزيدەنتتىڭ دوستارىنا" اسەر ەتەتىنى اتاپ ءوتىلدى. الينا كاباەۆا مەن ونىڭ اجەسى اننا زاتسەپيلينا دا سانكتسياعا ىلىككەن.
جاڭا سانكتسيالارعا اكتيۆتەردى بۇعاتتاۋ، ۇلىبريتانياعا كىرۋگە نەمەسە تۇرۋعا تىيىم سالۋ جانە كولىككە قاتىستى شەكتەۋلەر كىرەدى.
ايتا كەتەيىك، ۇلىبريتانيا بۇعان دەيىن 1000-نان استام جەكە جانە 100 زاڭدى تۇلعاعا قارسى سانكتسيا سالعان. رەسەي پرەزيدەنتى ۆلاديمير ءپۋتيننىڭ ەكى قىزى مەن سىرتقى ىستەر ءمينيسترى سەرگەي لاۆروۆتىڭ قىزىنا دا سانكتسيا سالىنعان بولاتىن.
"ادىرنا" ۇلتتىق پورتالى.
