كوكشەتاۋ قالاسىنىڭ ابىلايحان داڭعىلىندا ورنالاسقان دۇكەننەن ءورت شىقتى، دەپ حابارلايدى "ادىرنا" ۇلتتىق پورتالى.
بۇل تۋرالى "24.kz" ارناسى جازدى. بۇل عيماراتتا ازىق-تۇلىك دۇكەنى مەن ناۋبايحانا ورنالاسقان. ءورت ناۋبايحانا تۇسىنان شىققان. قىزىل جالىن عيماراتتىڭ قابىرعاسىن شارپىعان.
باستاپقىدا دۇكەن قىزمەتشىلەرى ءتىلسىز جاۋدى ءوز كۇشتەرىمەن اۋىزدىقتاۋعا تىرىستى. كەيىن وقيعا ورنىنا ءورت ءسوندىرۋ بريگاداسى جەتتى. ازىرگە ءورتتىڭ نەدەن شىققانى بەلگىسىز.
اقمولا وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، ءورت بۇگىن ساعات 13:17-دە ابىلاي حان، 9ا مەكەنجايى بويىنشا ورنالاسقان دۇكەندە بولعان. وقيعا ورنىنا دەپارتامەنتتىڭ جەكە قۇرامىنان 13 ادام جانە 2 ارنايى ءورت ءسوندىرۋ تەحنيكاسى جونەلتىلدى. ادامدار امان.
"ادىرنا" ۇلتتىق پورتالى.
