الماتىداعى ء"ماريام" جەكەمەنشىك مەكتەبىندە 1-سىنىپ وقۋشىسىن جوعارى سىنىپ وقۋشىلارى بىرنەشە اي بويى زورلاعانى بەلگىلى بولدى. وسى وقيعادان كەيىن گۇلنار نۇرعاليەۆا Facebook جەلىسىندە اتالعان مەكتەپتىڭ 6-سىنىبىندا وقيتىن جيەنى تاتيانا ساعىنباەۆاعا سىنىپ جەتەكشىسىنىڭ قىسىم كورسەتكەنىن جازدى, دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.
"باستاپقىدا مۇعالىم قىزعا دۇرىس ەمەس كيىنگەنىن، شاشىن دۇرىس تاراماعانىن، دۇرىس ەمەس جەردە تۇرعانىن ايتىپ ەسكەرتۋلەر جاساعان. سودان كەيىن سىنىپ جەتەكشىسى ونى تەك فاميلياسىمەن اتاعان. ءتىپتى، بىردە مۇعالىم تاتياناعا ءوزىن جاقسى ادام دەپ ساناي ما دەپ سۇراق تا قويىپتى. وقۋشى وڭ جاۋاپ بەرگەن.
"قىزدىڭ وقۋ جىلىنىڭ اياقتالۋىنا وراي توپتىق سۋرەتكە تۇسۋىنە جول بەرمەۋ ءۇشىن سىنىپ جەتەكشىسى سۋرەتكە تۇسەر الدىندا تانيانى كىتاپ الۋعا جىبەرگەن", - دەپ جازدى نۇرعاليەۆا.
نۇرعاليەۆا جيەنىن مۇعالىمنىڭ قورقىتۋىنىڭ باسقا دا مىسالدارى كوپ ەكەنىن جازدى. مىسالى، ءبىر كۇنى مەكتەپ وقۋشىسىنا ءىس-شاراعا قاتىسۋعا تىيىم سالىنىپ، بوس سىنىپقا قالدىرىلعان. مۇعالىم اتا-اناسىنا قىزدىڭ دايىندىققا قاتىسپاعانىن تۇسىندىرگەن. تاتيانانىڭ اناسى ءمان-جايدى انىقتاۋعا تىرىسقان، بىراق مۇعالىممەن ديالوگ قۇرۋ مۇمكىن بولماپتى. ناتيجەسىندە ءبىلىم مەكەمەسىنىڭ اكىمشىلىگى قىزدى پسيحيكالىق اۋىتقۋشىلىق بار دەپ ايىپتاعان سوڭ، ايەل قىزىن مەكتەپتەن الىپ كەتكەن. وسى وقيعادان كەيىن تانيانىڭ باسى قاتتى اۋىرىپ، تابەتى جوعالىپ، قاتتى ارىقتاعان. ونىڭ وتباسى پسيحولوگقا جۇگىنگەن.
تانيانىڭ نەمەرە اعاسى بۇگىندە وقۋشى قىز اناسى بىتىرگەن مەملەكەتتىك مەكتەپتە وقيتىنىن ايتتى. ء"ماريامدا" وقۋشى قىز وقۋ وزاتى بولعان، ونىڭ سۋرەتى "قۇرمەت" تاقتاسىندا جارقىراپ تۇرعان. بىراق مەملەكەتتىك مەكتەپ دەڭگەيىنە جەتۋ ءۇشىن رەپەتيتورلاردان وقۋعا تۋرا كەلىپتى.
ءبىر كۇن بۇرىن الماتىعا بالالار قۇقىعىن قورعاۋ كوميتەتىنىڭ كوميسسيا مۇشەلەرى ۇشىپ بارىپ، تاربيە جۇمىسىن ۇيىمداستىرۋدا دا، سانيتارلىق تالاپتاردى ورىنداۋدا دا زاڭبۇزۋشىلىقتاردى انىقتادى.
كوميسسيا مۇشەلەرى اكىمشىلىك جانە ۇستازدار قاۋىمىمەن اڭگىمەلەستى. قازىر زارداپ شەككەن ءبىرىنشى سىنىپ وقۋشىسىنا پسيحولوگيالىق كومەك كورسەتىلۋدە. تەرگەۋ جالعاسۋدا، ونىڭ ناتيجەسى بويىنشا شارا قولدانىلاتىن بولادى.
"ادىرنا" ۇلتتىق پورتالى.
