ەلىمىزگە سەس كورسەتىپ، قورقىتقان تيگران كەوساياننىڭ وتباسىن قازاقستانعا دەپورتاتسيا كەزىندە قازاقتار قۇتقارعان، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە تيگران كەوسايانعا قاتىستى تىڭ دەرەكتەر پايدا بولدى.
– سوعىستان كەيىن ەلىمىزگە جەر اۋدارىلعان قانشاما ادامدارعا كومەكتەسكەن ءبىزدىڭ قازاقستان ءۇشىن جانە ءبىزدىڭ قازاقتار ءۇشىن وكىنىشتى. ەندى مەن سەندەرگە فوتو كورسەتكىم كەلەدى. مىنا فوتودا كىم بەينەلەنگەنىن بىلەسىڭ بە؟ ويتكەنى، ول كەزدە تۋعان اجەڭ دە، اكەڭ دە، اعاڭ دا بىزبەن بىرگە قازاقستاندا، اقمولا وبلىسىندا، ۆاسنەتسەنكو اۋىلىندا تۇراتىن. ولار ءبىزدىڭ وبلىسقا جىبەرىلگەن. اتا-باباڭ، اتا-اناڭنىڭ وسكەن جەرىن ۇمىتپاۋىڭ كەرەك. ءبىزدىڭ قازاقستان تۋرالى سونشا جامان سوزدەر ايتتىڭ. سەنىڭ ەفيردە ورەكپىپ سويلەگەنىڭ، اتا-بابا تاعدىرىن بىلمەگەنىڭ… وكىنىشتى، – دەدى اۆتور.
– مەنىڭ ويىمشا، سەن تانىپ وتىرسىڭ. سەنىڭ وتباسىڭ وسى ۆاسنەتسەنكو اۋىلىندا تۇراتىن وتباسىمەن دوس بولدى. اجەڭدى ەكى ۇلىمەن وسى جەرگە جىبەرگەن. سول ءبىر سۇراپىل جىلداردا قونىس اۋدارۋشىلارعا كوپتەگەن قازاقتار كومەكتەستى. ولاردىڭ ىشىندە شەشەندەر دە، ينگۋشتار دا، كارىستەر دە بار. كوپتەگەن ۇلتتار قۋعىنعا ۇشىرادى. ءبىز ولاردىڭ بارلىعىنىڭ وسى سۇراپىل، قيىن جىلداردا امان قالۋعا كومەكتەستىك. كوپشىلىگى بىزبەن بىرگە قازاقستاندا تۇرىپ، قازاقستاندى ەكىنشى وتانىم دەپ سانايدى، – دەپ تۇيىندەدى اۆتور.
