ۋكراينادا سوعىس باستالعالى بەرى 3381 بەيبىت تۇرعىن قازا تاپقان. بۇل تۋرالى بۇۇ بوسقىندار ءىسى جونىندەگى جوعارعى كوميسسار باسقارماسىنىڭ (بۇۇ بجكب) مالىمدەمەسىندە حابارلادى.
كوميسسيا باسقارماسىنىڭ مالىمەتىنشە، 24 اقپان مەن 8 مامىر ارالىعىندا دونەتسك مەن لۋگانسك وبلىستارىنىڭ كيەۆ باقىلاۋىنداعى اۋماقتارىندا 1699 ادامنىڭ قازا تاپقانى، 1441 ادامنىڭ جارالانعانى ايتىلعان. ال كيەۆ باقىلاۋىنان تىس اۋماقتاردا 111 ادام قازا تاۋىپ، 443 ادام جارالانعان.
ۋكراينانىڭ وزگە ايماقتارىندا 1571 ادام قازا تاۋىپ، 1796 ادام جاراقات العان.
ادام ءولىمى مەن جارالانۋ دەرەكتەرىنىڭ باسىم كوپشىلىگىنە اۋىر ارتيللەريا مەن دۇركىن-دۇركىن زىمىراندىق شابۋىلداردىڭ جاسالۋى، سونداي-اق زىمىراندىق جانە اۋە سوققىلارى سالدارىنان ۇلكەن اۋماقتى قامتيتىن وق-دارىلەر مەن جارىلعىش زاتتاردىڭ جارىلۋى سەبەپ بولعان.
”ادىرنا” ۇلتتىق پورتالى
