Ýkraınada soǵys bastalǵaly beri 3381 beıbit turǵyn qaza tapqan. Bul týraly BUU Bosqyndar isi jónindegi Joǵarǵy komıssar basqarmasynyń (BUU BJKB) málimdemesinde habarlady.
Komıssııa basqarmasynyń málimetinshe, 24 aqpan men 8 mamyr aralyǵynda Donek men Lýgansk oblystarynyń Kıev baqylaýyndaǵy aýmaqtarynda 1699 adamnyń qaza tapqany, 1441 adamnyń jaralanǵany aıtylǵan. Al Kıev baqylaýynan tys aýmaqtarda 111 adam qaza taýyp, 443 adam jaralanǵan.
Ýkraınanyń ózge aımaqtarynda 1571 adam qaza taýyp, 1796 adam jaraqat alǵan.
Adam ólimi men jaralaný derekteriniń basym kópshiligine aýyr artıllerııa men dúrkin-dúrkin zymyrandyq shabýyldardyń jasalýy, sondaı-aq zymyrandyq jáne áýe soqqylary saldarynan úlken aýmaqty qamtıtyn oq-dáriler men jarylǵysh zattardyń jarylýy sebep bolǵan.
”Adyrna” ulttyq portaly
