تالىپتەر قايتادان اۋعان ايەلدەرىنە بەتىن جانە دەنەسىن تولىق جاپپاي كوشەگە شىعۋعا تىيىم سالدى، دەپ حابارلايدى «ادىرنا» ءتىلشىسى.
ايەلدەردىڭ بەتىن دە، دەنەسىن دە جابۋعا مىندەتتەيتىن قاۋلىنى جاماندىقتىڭ الدىن الۋ جانە ىزگىلىكتى ناسيحاتتاۋ مينيسترلىگى دايىنداعان.
قۇجاتتا ايەلدەردىڭ مۇمكىندىگىنشە ۇيدە بولعانى دۇرىس ەكەنى اتاپ كورسەتىلگەن.
اۋعانستاننىڭ جوعارعى جەتەكشىسى جانە «تاليبان» قوزعالىسىنىڭ باسشىسى حايباتۋللا احۋنزادا بۇل جارلىققا سەنبى كۇنى قول قويدى.
«ايەلدەر چاداري كيىپ، بەت-ءجۇزىن بۇركەمەلەۋى ءتيىس. بۇل ءداستۇرلى جانە قۇرمەتتى مىنەز-قۇلىق. ول ەرلەرمەن كەزدەسكەن كەزدەگى ازعىرۋدان ساقتايدى»،– دەلىنگەن جارلىقتا.
«ادىرنا» ۇلتتىق پورتالى
