Tálipter qaıtadan aýǵan áıelderine betin jáne denesin tolyq jappaı kóshege shyǵýǵa tyıym saldy, dep habarlaıdy «Adyrna» tilshisi.
Áıelderdiń betin de, denesin de jabýǵa mindetteıtin qaýlyny Jamandyqtyń aldyn alý jáne izgilikti nasıhattaý mınıstrligi daıyndaǵan.
Qujatta áıelderdiń múmkindiginshe úıde bolǵany durys ekeni atap kórsetilgen.
Aýǵanstannyń joǵarǵy jetekshisi jáne «Talıban» qozǵalysynyń basshysy Haıbatýlla Ahýnzada bul jarlyqqa senbi kúni qol qoıdy.
«Áıelder chadarı kıip, bet-júzin búrkemeleýi tıis. Bul dástúrli jáne qurmetti minez-qulyq. Ol erlermen kezdesken kezdegi azǵyrýdan saqtaıdy»,– delingen Jarlyqta.
«Adyrna» ulttyq portaly
