ء“بىز رەسەيمەن 400 جىل سوعىسىپ كەلەمىز»: شەشەندەر رەسەيمەن سوعىسۋدا

6018
Adyrna.kz Telegram
فوتو: كازبەك كۋرازوۆ/ Facebook-تان الىندى
فوتو: كازبەك كۋرازوۆ/ Facebook-تان الىندى

ۋكراينادا سوعىس باستالعالى شەشەنستان باسشىسى رامزان قادىروۆ ۇرىستارعا قاتىسىپ جاتقان «اعالارى» تۋرالى بەلسەندى تۇردە ايتىپ ءجۇر. بىراق قازىر ورىس اسكەرىنە قارسى سوعىسىپ جاتقان شەشەندەر دە بار. شەشەنستان باسشىسى ولاردى «شەشەنتىلدى شايتاندار» دەپ اتايدى. بۇل تۋرالى BBC جاريالادى، دەپ حابارلايدى “ادىرنا” ۇلتتىق پورتالى.

قازىر رەسەيگە قارسى سوعىسىپ جاتقان شەشەندەردىڭ كوبى بۇرىن شەشەنستاندا تۇرعان. ەكىنشى شەشەن سوعىسىنان كەيىن ولار ۋكرايناعا كوشىپ، 2014 جىلى لۋگانسك جانە دونەتسك وبلىستارىنا اتتانىپ،  ەكى ەرىكتى باتالون قۇردى.

«مۇنىڭ سەبەبى كوپ، قىسقاسى، ءبىز عاسىرلار بويى، 400 جىل بويى ورىستارمەن سوعىسىپ كەلەمىز»، - دەيدى شەيح مانسۇر ەرىكتىلەر باتالونىنىڭ كومانديرى مۋسليم چەبەرلوەۆسكي.

قازىر شەشەندەر ەرىكتىلەر رەتىندە عانا ەمەس، ۋكراينا قارۋلى كۇشتەرىنىڭ قۇرامىندا دا سوعىسۋدا. مىسالى، «Crazy Pack» شابۋىل جاساعىنىڭ مۇشەلەرى.

الايدا مۇسىلماندار حريستيان مەملەكەتى ءۇشىن سوعىسپاۋى كەرەك دەپ ەسەپتەيتىن ءدىندارلار ولاردى سىناۋدا.

"ۋكراينا رەسەيدەن كەلگەن كوپتەگەن مۇسىلماندارعا پانا بەردى. ءتىپتى يسلام تۇرعىسىنان دۇرىس سوعىس دەپ ساناۋعا بولادى. رۇقسات ەتىلگەن سوعىس", - دەدى الەۋمەتتىك انتروپولوگ جانە سولتۇستىك كاۆكاز بويىنشا ساراپشى دەنيس سوكولوۆ.

ادىرنا” ۇلتتىق پورتالى

پىكىرلەر