بۇل پىكىردى قازاقستاندىق قوعامدىق دامۋ ينستيتۋتىنىڭ باسقارما توراعاسى قازبەك مايگەلدينوۆ ايتتى.
مەملەكەت باسشىسى ءوز ۇندەۋىندە كونستيتۋتسيالىق رەفورمالار بويىنشا ەڭ ماڭىزدى بىرقاتار وزگەرىستى اتادى. ونىڭ ىشىندە جالپى حالىقتىق رەفەرەندۋم 5-ءشى ماۋسىمعا بەكىتىلدى. جالپى، رەفەرەندۋم تۋرالى زاڭ بويىنشا، كەمىندە ءبىر اي نەمەسە ءۇش ىشىندە رەفەرەندۋم وتكىزەتىن كۇندى بەلگىلەۋ قاجەت. وسىعان وراي بۇگىن ءبىر ايعا جۋىق ۋاقىتتان كەيىن پرەزيدەنتىمىز شەشىمىن ايتتى، - دەدى ول.
ساياساتتانۋشىنىڭ ايتۋىنشا، ەڭ باستىسى - ەلىمىزدەگى ساياسي جۇيەنىڭ وزگەرۋى.
جاڭا قازاقستاننىڭ جاڭا ەرەجەلەرى اتا زاڭىمىزداعى بولاتىن زاڭنىڭ 3/1 بولىگىنىڭ وزگەرىستەرىنە نەگىزدەلىپ وتىر. ويتكەنى مەملەكەت باسشىسى «سۋپەرپرەزيدەنتتىك» بيلىكتەن، ىقپالدى پارلامەنت، ەسەپ بەرەتىن ۇكىمەتتەن كلاسسيكالىق پرەزيدەنت بيلىگىنە كوشۋدى كوزدەپ وتىر. وسىعان بايلانىستى پرەزيدەنت وكىلەتتىگىن شەكتەۋ قارالدى. ناتيجەسىندە تەجەۋىشپەن تەپە-تەڭدىك مەحانيزمىن جۇزەگە اسىرۋ ارقىلى وكىلەتتى ورگاندارعا قۇزىرەتى مەن نەگىزگى وكىلەتتىلىگىن كەڭەيتۋ قارالدى، - دەدى قازبەك مايگەلدينوۆ.
ول پارلامەنتتىڭ كۇشەيەتىنىن اتاپ ءوتتى. ماسەلەن، بۇگىندە ءماجىلىس زاڭ شىعارۋشى ورگانعا اينالىپ وتىر. ال سەنات جاڭا نورمالاردى قابىلدايتىن نە قابىلدامايتىن باعىت ۇستاناتىن بولادى. ەكىنشىدەن، جەرگىلىكتى وڭىرلەردەگى ءماسليحاتتىڭ وكىلەتتىلىگى كەڭەيەدى. ءماسليحاتتىڭ توراعاسى بەكىتىلەتىن بولادى، - دەدى قازاقستاندىق قوعامدىق دامۋ ينستيتۋتىنىڭ باسقارما توراعاسى قازبەك مايگەلدينوۆ.
سونىمەن قاتار مايگەلدينوۆتىڭ سوزىنشە، اتا زاڭىمىزدا پرەزيدەنتتىڭ جاقىن تۋىستارى ساياسي بيلىكتەگى قىزمەت پەن كۆازيمەملەكەتتىك باسشىسى بولا المايتىنداي نورما بەكىتىلەدى.
"ادىرنا" ۇلتتىق پورتالى.
