Būl pıkırdı Qazaqstandyq qoǧamdyq damu institutynyŋ Basqarma Töraǧasy Qazbek Maigeldinov aitty.
Memleket basşysy öz ündeuınde konstitusiialyq reformalar boiynşa eŋ maŋyzdy bırqatar özgerıstı atady. Onyŋ ışınde jalpy halyqtyq referendum 5-şı mausymǧa bekıtıldı. Jalpy, referendum turaly zaŋ boiynşa, kemınde bır ai nemese üş ışınde referendum ötkızetın kündı belgıleu qajet. Osyǧan orai bügın bır aiǧa juyq uaqyttan keiın Prezidentımız şeşımın aitty, - dedı ol.Saiasattanuşynyŋ aituynşa, eŋ bastysy - elımızdegı saiasi jüienıŋ özgeruı.
Jaŋa Qazaqstannyŋ jaŋa erejelerı ata zaŋymyzdaǧy bolatyn zaŋnyŋ 3/1 bölıgınıŋ özgerısterıne negızdelıp otyr. Öitkenı Memleket basşysy «superprezidenttık» bilıkten, yqpaldy Parlament, esep beretın Ükımetten klassikalyq Prezident bilıgıne köşudı közdep otyr. Osyǧan bailanysty Prezident ökılettıgın şekteu qaraldy. Nätijesınde tejeuışpen tepe-teŋdık mehanizmın jüzege asyru arqyly ökılettı organdarǧa qūzyretı men negızgı ökılettılıgın keŋeitu qaraldy, - dedı Qazbek Maigeldinov.Ol Parlamenttıŋ küşeietının atap öttı. Mäselen, bügınde Mäjılıs zaŋ şyǧaruşy organǧa ainalyp otyr. Al Senat jaŋa normalardy qabyldaityn ne qabyldamaityn baǧyt ūstanatyn bolady. Ekınşıden, jergılıktı öŋırlerdegı mäslihattyŋ ökılettılıgı keŋeiedı. Mäslihattyŋ töraǧasy bekıtıletın bolady, - dedı Qazaqstandyq qoǧamdyq damu institutynyŋ Basqarma Töraǧasy Qazbek Maigeldinov. Sonymen qatar Maigeldinovtıŋ sözınşe, ata zaŋymyzda Prezidenttıŋ jaqyn tuystary saiasi bilıktegı qyzmet pen kvazimemlekettık basşysy bola almaityndai norma bekıtıledı.
"Adyrna" ūlttyq portaly.
