كەشە عانا "امانات" پارتياسىنىڭ توراعاسى ەرلان قوشانوۆتىڭ قاۋلىسىمەن پارتيانىڭ حاتشىسى بولىپ تاعايىندالعان ەلدار جۇماعازيەۆ حالىقتىڭ تابىسىن ارتتىرۋعا بايلانىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ول ءوزىنىڭ فەيسبۋك پاراقشاسىندا بىلاي دەپ جازدى:
"سوڭعى ەكى جىل بويى حالىقتىڭ تابىسىن كوتەرۋگە جۇمىستانىپ كەلدىك. تابىس كوزىن كوبەيتۋ تۋرالى مەتوديكا جاساقتاپ، اۆتورلىق قۇقىقتى دا الدىق. بىراق، 15 اۋىلدىق وكرۋگ حالقىنىڭ تابىسىن كوتەرۋگە شامامىز جەتەر، ال ەلىمىز بويىنشا 7,7 ملن. ادام تۇراتىن 2400 وكرۋگ بار. وسى وي مازا بەرمەي، اكىمشىلىك رەسۋرسى مول «امانات» پارتياسىمەن بىرىگۋگە شەشىم قابىلدادىق. ەڭ باستى ماقساتىمىز، بىزگە قولداۋ بىلدىرگەن 300 مىڭ مۇشەمىزدىڭ ءۇمىتىن اقتاۋ. وسىعان بايلانىستى حەيتتە از ەمەس، رەنىش كوپ ادامداردا. ولدا دۇرىس بولار. ءبارىمىز ەتپەن سۇيەكتەن جاراتىلدىق، سوندىقتان بۇل رەنىش بىزگە قاتتى باتادى. ەڭ سوراقى ءىس - ءۇمىتتى الداۋ. ال ءبىز كەرىسىنشە، «ەكى ءسوزدى» بولمايىق دەپ وسى قادامعا باردىق. بۇل — پراگماتيكالىق قادام. «ادالدىڭ» وكىلەتى تومەن، قولى قىسقا، ونى مويىنداۋىمىز كەرەك. سوندىقتان، «امانات» ارقىلى حالىقتىڭ تابىسىن، ەڭسەسىن كوتەرۋ ءۇشىن «ادالدىڭ» ساياسي كەڭەسى «امانات» پارتياسىمەن بىرىگۋگە شەشىم قابىلدادى".
ءسوزىنىڭ سوڭىندا پارتيا حاتشىسى «امانات» پارتياسىنىڭ ناعىز جالپىحالىقتىق ۇيىم بولۋىنا ات سالىساتىنىن جەتكىزدى.
"ادىرنا" ۇلتتىق پورتالى
